Իրավական11:31, 24 Հոկտեմբեր 2016
Թուրքիայի տեքստիլ գործարաններում սիրիացի երեխաներ են շահագործվում
BBC-ի՝ լրագրողական հետաքննություն իրականացնող «Panorama» նախագծի թիմը բացահայտել է, որ Թուրքիայի տեքստիլ արդյունաբերությունում անբարենպաստ պայմաններում սիրիացի երեխաներ են աշխատում: Թուրքիայի արտահանող ընկերությունների գործարաններում գաղտնի նկարահանումներ իրականացրած լրագրողական խումբը փախստական երեխաների շահագործման բազմաթիվ փաստեր է արձանագրել:
Այդ գործարանների արտադրած հագուստն այնուհետև արտահանվում է Մեծ Բրիտանիա և վաճառվում «Marcs and Spencer» ընկերության և «ASOS» օնլայն - խանութի, ինչպես նաև՝ «Zara & Mango» ընկերության կողմից:
Բոլոր նշյալ ընկերությունները պնդում են, թե իրենք ուշադրությամբ հսկում են իրենց ներկայացրած ապրանքների արտադրության ընթացքն ու բոլոր օղակները, և համոզված են, որ իրենց հագուստի արտադրությունում սիրիացի երեխաներ չեն աշխատում և չեն շահագործվում:
Մինչդեռ «Panorama»-ի թիմը պարզել է, որ հագուստի արտահանմամբ զբաղվող ընկերությունների գործարաններում և արհեստանոցներում բազմաթիվ չափահաս և անչափահաս սիրիացիներ են աշխատում: Նրանք հիմնականում գրանցված չեն, քանի որ Թուրքիայում աշխատելու թույլտվություն չունեն:
Փախստականներն աշխատում են օրական 12 ժամ, մեկ ժամվա աշխատանքի համար նրանց վճարում են շուրջ 3.75 թուրքական լիրա (շուրջ 1.25 դոլար): Այդ աշխատավարձը անհամեմատ ավելի ցածր է, քան Թուրքիայում սահմանված նվազագույն ժամավճարն է:
Սիրիացներից մեկը լրագրողներին պատմել է, որ գործարաններում իրենց շատ վատ են վերաբերվում, իսկ եթե գաղթականների հետ որևէ բան է պատահում, նրանց ուղղակի անպետք լաթի պես մի կողմ են նետում:
«Panorama»-ն արձանագրել է, որ, օրինակ, «Zara & Mango» -ի համար արտադրվող ջինսե տաբատների մշակման ժամանակ թունավոր քիմիական նյութեր են օգտագործվում, սակայն այդ ընթացքում բանվորները դիմակներ չեն կրում:
«Panorama»-ի լրագրողներից մեկը պատմում է. «Շատերն ինձ պատմեցին, որ ստիպված են շատ ցածր աշխատավարձով աշխատել սարսափելի աշխատանքային պայմաններում: Նրանք հասկանում են, որ իրենց շահագործում են, սակայն դրա դեմ ոչինչ անել չեն կարող»:
Այս ենթաբաժնի վերջին նորությունները
մայիսի 12-ին Ստամբուլում Թուրքիայի նախագահական կորտեժի ուղղությամբ վիրավորանքներ էին հնչեցվել:
Կասկածյալը ձերբակալվել է Սամսունի մարզային ոստիկանության անվտանգության ստորաբաժանման կողմից իրականացված օպերացիայի ընթացքում:
«Լրագրողներ առաց սահմանների» կազմակերպությունը հրապարակել է 2024-ի զեկույցը, որտեղ անդրադառնում է լրագրության վիճակին Թուրքիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Կոմիտեն առաջարկել է առաջիկա հինգ տարում ռազմական բյուջեն ավելացնել 15 միլիարդով:
Հիմնականում թյուրքախոսներով բնակեցված Իրանի Թավրիզ քաղաքում վերջին շրջանում նկատվել են թուրքամետ պաստառներ:
Վեջին օրերին հայ-ադրբեջանական հարաբերությունների կարգավորման գործըթնացն ու Ալիևի՝ Հայաստանի նկատմամբ սպառնալից հայտարարությունները միջազգային մամուլի գլխագրերում են:
Կողմերի օրակարգում է եղել երկկողմ հարաբերությունները, ինչպես նաև տարածաշրջանային և համաշխարհային զարգացումները:
Թուրքիայի արտգործնախարար Հաքան Ֆիդանը հարցազրույց է տվել «CNN Türk»-ին, որտեղ անդրադարձել է Սիրիայում տեղի ունեցած զարգացումներին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |