Էրդողանն ու Օբաման հեռախոսազրույց են ունեցել

Քաղաքական07:30, 27 Հոկտեմբեր 2016

Էրդողանն ու Օբաման հեռախոսազրույց են ունեցել

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ-ի պաշտոնակից Բարաք Օբամայի հետ:

Թուրքական «Sondakika.com» լրատվական կայքը, հղում անելով նախագահականի մամուլի ծառայությանը, գրում է, որ հեռախոսազրույցի հիմնական թեման եղել է Մերձավոր Արևելքում տեղի ունեցող զարգացումները և «Իսլամական պետություն» (ԻՊ) ահաբեկչական կազմակերպության դեմ պայքարի հետագա փուլերը:

Օբաման դրական է գնահատել Սիրիայի հյուսիսում Թուրքիայի կողմից իրականացվող «Եփրատի վահան» ռազմագործողությունը, որի նպատակն է «Սիրիայի ազատ բանակ» կոչվող ընդդիմադիր զինված խմբավորման զինյալների միջոցով Թուրքիային սահմանակից մի քանի շրջաններ մաքրել ԻՊ-ի ահաբեկիչներից:

Նշվում է, որ Օբաման գոհունակություն է հայտնել նաև թուրք-իրաքյան հարաբերություններում առաջացած ճգնաժամային վիճակը հաղթահարելուն միտված երկխոսության նախաձեռնության համար:

Թուրքական աղբյուրը հայտնում է, որ Էրդողանը շեշտել է տարածաշրջանը բոլոր տեսակի ահաբեկչական կազմակերպություններից, այդ թվում` ԻՊ-ից ու PKK-ից (ՔԲԿ-Քուրդիստանի բանվորական կուսակցություն) մաքրելու անհրաժեշտությունը:

Նշվում է, որ Էրդողանն ու Օբաման համաձայնության են եկել նաև Իրաքի հյուսիսում PKK-ի հաստատվելը թույլ չտալու վերաբերյալ:

Աղբյուր` Ermenihaber.am

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։