Էրդողանը՝ Գերմանիային. «Ահաբեկչությունը բումերանգի պես կշրջվի ու ձեզ էլ կհարվածի»

Իրավական12:04, 03 Նոյեմբեր 2016

Էրդողանը՝ Գերմանիային. «Ահաբեկչությունը բումերանգի պես կշրջվի ու ձեզ էլ կհարվածի»

Գերմանիայի արդարադատության նախարար Հեյկո Մաասը հայտարարել է, որ «գյուլենական համայնքին» անդամակցելու մեջ մեղադրվող փախստական դատախազներ Զեքերիա Օզը և Ջելալ Քարան չեն հանձնվի Թուրքիային:

Սա զայրացրել է Թուրքիայի նախագահ Ռեջեփ Թայիփ Էրդողանին: Նրա բնորոշմամբ՝ Գերմանիայի կողմից արվող այդ տեսակ հայտարարությունները մտահոգություն են առաջացնում:

«Ահաբեկչությունը բումերանգի պես կշրջվի և ձեզ էլ կհարվածի: Ահաբեկիչներին գրկաբաց ընդունող Գերմանիայի վերջը լավ չի լինելու: Գերմանիան վերածվել է գյուլենականների ետնաբակի: Մենք էլ դրանից ենք անհանգստացած»,- արձագանքել է Էրդողանը:

Հիշեցնենք, որ 2015թ. մայիսին պաշտոնանկ արված դատախազներ Զեքերիա Օզը և Ջելալ Քարան մեղադրվում են Ֆեթհուլլահ Գյուլենի հետ սերտ կապեր ունենալու մեջ: 2015թ. օգոստոսին թուրքական դատարանը նրանց ձերբակալելու որոշում էր կայացրել, սակայն դատախազներին հաջողվել էր մինչ այդ դուրս գալ երկրից: Հայտնի է, որ ներկայումս նրանք բնակվում են գերմանական Ֆրայբուրջ քաղաքում:

Բեռլինում Թուրքիայի դեսպանատունը հատուկ նոտայով Գերմանիային կոչ էր արել դատախազներին արտահանձնել Անկարային:

Աղբյուր` Ermenihaber.am

Այս ենթաբաժնի վերջին նորությունները

10:04, 26 նոյ

Թուրքիայում ընդդիմադիր քաղաքական գործիչ է ձերբակալվել

Դիարբեքիր նահանգի մի շարք հասցեներում խուզարկություններ է իրականացվել: Ձերբակալվածներին տեղափոխել են ահաբեկչության դեմ պայքարի բաժանմունք:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։