ԵԽ-ում քվեարկության կդրվի Թուրքիայի եվրաինտեգրման կասեցման հարցը

Միջազգային12:32, 16 Նոյեմբեր 2016

ԵԽ-ում քվեարկության կդրվի Թուրքիայի եվրաինտեգրման կասեցման հարցը

Եվրախորհրդարանում (ԵԽ) կքննարկվի Թուրքիա- Եվրամիություն բանակցությունների առկախման վերաբերյալ նախագիծը: Այս մասին տեղեկացնում է թուրքական ընդդիմադիր «Odatv.com» լրատվական կայքը:

ԵԽ-ի լիբերալ պատգամավորների նախաձեռնությամբ մշակված առաջարկը քվեարկության կդրվի առաջիկա շաբաթվա ընթացքում: Եվրախորհրդարանի «Սոցիալ- դեմոկրատական» խմբակցության փոխնախագահ Կնուտ Ֆլեքենշտայնի կարծիքով՝ նախագիծը կհաստատվի:

Սակայն, գերմանական մամուլում տեղ գտած մեկնաբանությունների համաձայն՝ անգամ հաստատվելու դեպքում նախագիծը իրավական պարտադիր ուժ չի ունենա, այլ կկրի միայն խորհրդանշական բնույթ:

Հիշեցնենք, որ Թուրքիայի եվրաինտեգրման գործընթացի կասեցման մասին առաջարկները պայմանավորված են վերջին շրջանում Թուրքիայում ծայր առած համատարած օրինախախտումների, ձերբակալությունների և բանտարկությունների ալիքով:

Թուրքիայի ներքին քաղաքական զարգացումներին խստագույնս արձագանքել էր նաև Եվրահանձնաժողովը՝ Թուրքիայի մասին իր ամենամյա զեկույցում ամենախիստ արտահայտություններով դատապարտելով խոսքի և մտքի ազատության խախտման, օրինական պետության չափանիշների անտեսման հազարավոր դեպքերը:

Աղբյուր` Ermenihaber.am

Այս ենթաբաժնի վերջին նորությունները

11:40, 01 ապր

Ֆրանսիան և Թուրքիան կհամագործակցեն միջուկային բժշկության ոլորտում

«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։

13:16, 31 մարտ

Մակրոնը շնորհավորել է Էրդողանին

Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։

11:31, 27 մարտ

Հույները դիմել են Թրամփին Թուրքիայի դեմ հանդես գալու պահանջով

Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։