Քաղաքական12:52, 13 Դեկտեմբեր 2016
Չավուշօղլու. «Եվրամիությունը Թուրքիային պիտի ընկալի որպես հավասար գործընկեր»

Թուրքիայի արտաքին գործերի նախարար Մևլութ Չավուշօղլուն Չեխիայի արտգործնախարարի հետ հանդիպումից հետո կայացած մամուլի ասուլիսի ժամանակ անդրադարձել է Թուրքիա-Եվրամիություն (ԵՄ) հարաբերություններին:
Ինչպես տեղեկացնում է թուրքական «Vatan» թերթը, արտգործնախարարն ընդգծել է, որ Թուրքիան ցանկանում է, որ ԵՄ-ը Թուրքիայի նկատմամբ արդար մոտեցում ցուցաբերի, որ եվրոպական կառույցները ոչ թե Թուրքիայի, այլ արդարության կողքին լինեն, Թուրքիային ընկալեն որպես հավասար գործընկեր:
«Եթե Եվրամիությունը մեզ հավասար գործընկեր չի դիտում, ուրեմն իրենց հետ մեր հարաբերություններն անիմաստ են: ԵՄ-ն Թուրքիային հավասար գործընկեր պետք է դիտի: Հավասար գործընկերոջ պես բանակցության սեղանին նստելու դեպքու բոլոր խնդիրները կկարգավորենք»:
Նշելով, որ Թուրքիան պատրաստ է ԵՄ-ի հետ իմաստային երկխոսության՝ Չավուշօղլուն հայտնել է, որ ԵՄ-ն Թուրքիայի պես երկրներին դասեր տալու փոխարեն պետք է մտածի, թե ինչպես համատեղ լուծեն ծագած ընդհանուր խնդիրները:
Չավուշօղլուն քննադատել Եվրախորհրդարանին (ԵԽ) այնտեղ «Քուրդիաստանի բանվորական կուսակցությանը» (PKK-ՔԲԿ) նվիրված ցուցահանդես անցկացնելու համար: ԵԽ-ին մեղադրել է ՔԲԿ-ին աջակցելու և հանդուրժելու մեջ:
Նշելով, որ ԵԽ-ում կան ՔԲԿ-ին աջակցող պատվիրակներ և խմբակցություններ, ասել է. «Ինչո՞ւ եք նույն գաղափարախոսությունը պաշտպանում: Եթե այդ գաղափարախոսության համար պետք է ահաբեկչություն անել, ուրեմն դուք էլ սարերը բարձրացեք: Ի՞նչ գործ ունեք խորհրդարանում, ինչո՞ւ եք զբաղվում քաղաքականությամբ: Քաղաքականությամբ զբաղվողների և ահաբեկիչների միջև տարբերություն պիտի լինի՞ թե ոչ»:
Այս ենթաբաժնի վերջին նորությունները

Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:

Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:

Այս մասին համապատասխան հուշագիրը ստորագրվել է երկու կողմերի առողջապահական գերատեսչությունների ղեկավարների միջև:
Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |