Հասարակական09:13, 16 Դեկտեմբեր 2016
Թուրքիայում բնակչության 61%-ը կողմ է նախագահական կառավարման համակարգի հաստատմանը
Թուրքիայում գործող «Objective Research Center» (ORC) հետազոտական կենտրոնը սոցհարցում է անցկացրել՝ պարզելու պետական նոր կառավարման համակարգին անցնելու վերաբերյալ բնակչության դիրքորոշումը:
Թուրքական «Memurlar» լրատվական կայքի տեղեկացմամբ՝ հարցմանը մասնակցել է 2.450 քաղաքացի 35 նահանգից:
Ըստ հարցման արդյունքների՝ հարցվածների 72 տոկոսը վստահում է նախագահ Ռեջեփ Թայիփ Էրդողանին: 61 տոկոսն աջակցում է Թուրքիայում կառավարման խորհրդարանական համակարգի փոխարեն նախագահական համակարգ հաստատելու իշխանության նախաձեռնությանը:
Հետազոտության արդյունքների համաձայն՝ իշխող «Արդարություն և զարգացում» կուսակցությունը (AKP-ԱԶԿ) վայելում է հարցվածների 52.8 տոկոսի, գլխավոր ընդդիմադիր «Ժողովրդահանրապետական կուսակցությունը» (CHP-ԺՀԿ) 23.4 տոկոսի, «Գորշ գայլեր» ծայրահեղական կազմակերպության քաղաքական թևը համարվող «Ազգայնական շարժում» կուսակցությունը (MHP-ԱՇԿ) 15 տոկոսի, իսկ քրդամետ «Ժողովուրդների դեմոկրատական կուսակցությունը» (HDP-ԺԴԿ) 7 տոկոսի վստահությունը:
80 տոկոսը կողմ է, որ մահապատիժ կիրառավի այնպիսի հանցագործությունների դեպքում, ինչպիսիք են հեղաշրջումը, ահաբեկչությունը: Ճնշող մեծամասնությունը՝ 90.8 տոկոսը նշել է, որ չեն ցանկանում Թուրքիայից հեռանալ և այլ երկիր տեղափոխվել:
Հիշեցնենք, որ սահմանադրական փոփոխությունների փաթեթը, որի հիմնական կետերը վերաբերում են խորհրդարանական կառավարման համակարգից նախագահական համակարգին անցնելուն, ներկայացվել է մեջլիսի քննարկմանը:
Նախագիծը խորհրդարանում անցկացնելու համար անհրաժեշտ է 330 քվե: Իշխող ԱԶԿ-ն, որը մեջլիսում ունի 316 ձայն, սահմանադրական փոփոխությունների նախագծի հաստատման շուրջ համաձայնության է եկել ընդդիմադիր ԱՇԿ-ի հետ: Նախագծի հաստատումից հետո պետք է հանրաքվե անցկացվի:
Այս ենթաբաժնի վերջին նորությունները
Թուրքական մեդիայում Թուրքիայի կողմից ահաբեկչական ճանաչված «Ֆեթուլլահականների կազմակերպության» ղեկավարի մահից հետո լայն տարածում է գտել վերջինիս կտակը:
Թուրքիայի արևմտյան հատվածում գտնվող Թեքիրդաղ նահանգում խոշոր ավտովթար է տեղի ունեցել:
Վերջինս Թուրքիայի իշխանությունների կողմից հետապնդվում էր որպես ահաբեկչական «Ֆեթուլլահական կազմակերպության» ղեկավար:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Վերջինս Թուրքիայի իշխանությունների կողմից հետապնդվում էր որպես ահաբեկչական «Ֆեթուլլահական կազմակերպության» ղեկավար:
Ճանապարհներին տեղադրվող համակարգերն ունակ են ոչ միայն քաշի մասին տեղեկություններ տրամադրել, այլև մակնիշի, երկարության, լայնության, գույնի, համարի, արագության և այլն:
Թուրքիայի արտգործնախարարն անդրադարձել է իրենց կողմից ահաբեկչական ճանաչված «Ֆեթուլլահականների կազմակերպության» ղեկավար Ֆեթուլլահ Գյուլենի մահվանը:
Նախիջևանի Ինքնավար Հանրապետության պետական էներգետիկ ծառայությունների նախագահի օգնական Թուրալ Մութուզալիևը հայտարարել է Թուրքիայի հետ էլեկտրաէներգիայի առևտրի մոտալուտ մեկնարկի մասին:
Թուրքական մեդիայում Թուրքիայի կողմից ահաբեկչական ճանաչված «Ֆեթուլլահականների կազմակերպության» ղեկավարի մահից հետո լայն տարածում է գտել վերջինիս կտակը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |