Իրավական10:16, 03 Փետրվար 2017
Էրդողանի անվան զբոսայգում քրդերեն երգած երիտասարդներին 15 տարվա ազատազրկում է սպառնում
Ստամբուլի «Ռեջեփ Թայիփ Էրդողան զբոսայգում» քրդերեն երգեր երգելու համար ձերբակալված 12 երիտասարդներին սպառնում է մինչև 15 տարվա ազատազրկում:
Ըստ թուրքական «Cumhuriyet» ընդդիմադիր թերթի կայքի` 2016-ի օգոստոսին ձերբակալված, այնուհետև կալանավորված երիտասարդների վերաբերյալ Ստամբուլի հանրապետական դատախազության ահաբեկչության և կազմակերպված հանցագործությունների բաժնի կողմից մեղադրական եզրակացություն է պատրաստվել:
Եզրակացության մեջ նշվում է, որ երիտասարդները ձերբակալվել են զբոսայգում բարձր ձայնով քրդերեն երգեր երգելու ու պետության դեմ կոչեր հնչեցնելու համար: Վերջիններին ահաբեկչական կազմակերպության անդամ լինելու և կազմակերպության օգտին քարոզչություն անելու մեղադրանք է առաջադրվել:
Թուրքական աղբյուրը նշում է, որ մեղադրանքն առաջադրվել է երիտասարդների վերաբերյալ ազգային հետախուզական կազմակերպության տրամադրած տեղեկության հիման վրա, որում ասվում է, որ նրանք մասնակցել են «Քուրդիստանի բանվորական կուսակացության» (ՔԲԿ-PKK) օգտին անցկացված միջոցառումներին և կարող են կապ ունենալ կազմակերպության անդամների հետ:
Ոստիկանության աշխատակիցներից մեկի կողմից դատախազությունը 3 տարվա ազատազրկման պահանջով բողոք է ներկայացվել նաև դեպքը լուսաբանած «Cumhuriyet» թերթի լրագրողի նկատմամբ` «Ժողովրդական երգ երգեցին, ձերբակալվեցին» վերնագրի համար:
Այս ենթաբաժնի վերջին նորությունները
«Լրագրողներ առաց սահմանների» կազմակերպությունը հրապարակել է 2024-ի զեկույցը, որտեղ անդրադառնում է լրագրության վիճակին Թուրքիայում։
Թուրքիայի արևելյան հատվածում գտնվող Աղրըի նահանգապետ Մուստաֆա Քոչը տվյալներ է հրապարակել ընթացիկ տարում սահմանապահների կողմից կանխված միջադեպերի վերաբերյալ։
Թուրքիայում շարունակում են իշխանություններին մեղադրել Իսրայելի հետ համագործակցությունը շարունակելու մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սիրիայում Թուրքիայի ազդեցությունն աճել է՝ նվազեցնելով Իրանի և Ռուսաստանի դերը:
Այս մասին հեռուստաեթերից հայտնել է «Taksim Meydanı»-ի հաղորդավար Սինան Բուրհանը։
Էրդողանը նշել է, որ ուշադրությամբ է հետևում Հայաստան-Ադրբեջան կարգավորման գործընթացի զարգացումներին։
Գտնվելով էներգետիկ ուղիների կենտրոնում՝ Թուրքիան կարող է առանցքային դեր խաղալ Եվրոպայի էներգետիկ ճգնաժամը մեղմելու գործում։
Օրակարգում են եղել Սիրիայի անվտանգությանը վերաբերող հարցեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |