Քաղաքական07:19, 27 Փետրվար 2017
Թուրքիայի ԱԳՆ-ն դատապարտել է իբր հայկական կողմի իրականացրած դիվերսիան
Թուրքիայի արտգործնախարարությունը հայտարարություն է տարածել՝ փետրվարի 24-ի լույս 25 գիշերը Արցախ-Ադրբեջան շփման գծի հարավարևելյան (Մարտունի) և արևելյան (Ակնա) ուղղություններով ադրբեջանական զինուժի իրականացրած դիվերսիոն գործողությունները վերագրելով հայկական կողմին:
Հայտարարության մեջ դատապարտվում է հայկական կողմի` իբրև ծանր հրետանու կիրառմամբ ադրբեջանական դիրքերի վրա իրականացրած հարձակումը:
Թուրքիան ցավակցություն է հայտնել բախման հետևանքով սպանված ադրբեջանցի զինծառայողների համար, վիրավորներին շուտափույթ ապաքինում մաղթել՝ միաժամանակ Հայաստանին կոչ անելով պահպանել հրադադարի ռեժիմը:
Հայտարարության մեջ նշվում է նաև, որ Թուրքիան, որպես ԵԱՀԿ անդամ երկիր, աջակցում է Ադրբեջանի տարածքային ամբողջականության պահպանման շրջանակներում խնդրի լուծման ջանքերին:
Հիշեցնենք, որ փետրվարի 25-ին՝ ժամը 03:00-ին և 04:00-ին, հակառակորդը համապատասխանաբար շփման գծի հարավարևելյան և արևելյան ուղղություններով, հատուկ տեխնիկայի կիրառմամբ անցնելով հարձակողական գործողությունների և կատարյալ ձախողում ունենալով, անհաջող կերպով փորձել է իր արարքները վերագրել արցախյան կողմին:
Արցախի պաշտպանության բանակի առաջապահ ստորաբաժանումները, նաև շնորհիվ տեսադիտարկման սարքավորումների, երկու ուղղություններում էլ ժամանակին հավաստանշել են ադրբեջանական ստորաբաժանումների առաջխաղացումը և կորուստներ պատճառելով հետ շպրտել ելման դիրքեր: Բանակի առաջապահ ուժերի պատասխան գործողությունների արդյունքում հակառակորդը տվել է զոհեր և վիրավորներ: Մի քանի դիակ գտնվում է չեզոք գոտում: Հայկական կողմը զոհեր ու վիրավորներ չունի:
Ադրբեջանական կողմն ունի առնվազն 7 զոհ, որոնցից 5-ի մարմինները չեզոք գոտում են:
Արցախի Պաշտպանության բանակի մամուլի ծառայությունը հրապարակել է փետրվարի 25-ին՝ Մարտունու ուղղությամբ հայկական դիրքերի վրա ադրբեջանական դիվերսիայի կանխման տեսանյութը:
Այս ենթաբաժնի վերջին նորությունները
Նախատեսվում է, որ հանդիպման ավարտին մասնակից երկրների կողմից ընդունվելու է համատեղ հայտարարություն։
Ստամբուլի համալսարանի կողմից 9-րդ անգամ կազմակերպված գիտաժողովում «Մերձավոր Արևելքում նոր աշխարհաքաղաքական խզումներն ու անկախության խնդիրները» խորագրով քննարկում է անցկացվել:
Օրակարգում են եղել երկկողմ հարաբերություններն ու տարածաշրջանային և համաշխարհային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
ԱԶԿ-ի նախկին պատգամավորն ընդդիմադիր BBP-ի ղեկավարի քննադատություններին արձագանքել է՝ համեմատություններ անցկացնելով Էրդողանի ու հայ և հույն ազգային պատկանելիության միջև:
Երկրաշարժը գրանցվել է Մալաթիայի Քալե շրջանում, այն նաև զգացվել է Դիարբեքիրում, Էլազըղում, Քահրամանմարաշում, Թոքաթում, Էրզինջանում և Թունջելիում։
Նախատեսվում է, որ հանդիպման ավարտին մասնակից երկրների կողմից ընդունվելու է համատեղ հայտարարություն։
Ստամբուլից հեռարձակվող ռադիոն «Թուրքիայի Ռադիոյի և հեռուստատեսության բարձրագույն խորհրդի» որոշմամբ այլևս կդադարի գործել: Ռադիոընկերությունը հայտարարել է որոշման դեմ պայքարելու մասին։
«Yandex»-ը վճռական է Թուրքիայում հաստատել մշտական գործարար հարաբերություններ և շուտով կգործարկվեն մի շարք ապրանքներ, որոնք նախատեսված են հատուկ Թուրքայի համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |