Միջազգային11:13, 13 Մարտ 2017
Թուրքիայի արտգործնախարարությունը 2 նոտա է հղել Հոլանդիային
Թուրքիայի և Հոլանդիայի միջև ծագած դիվանագիտական սկանդալը նոր թափ է ստանում:
Ամստերդամի կողմից Թուրքիայի արտգործնախարար Մևլութ Չավուշօղլուի և ընտանեկան ու սոցիալական հարցերի նախարար Ֆաթմա Քայային երկրից արտաքսելուց հետո Հոլանդիայի դեսպանության գործերի ժամանակավոր հավատարմատարը 3-րդ անգամ կանչվել է Թուրքիայի ԱԳՆ:
Ըստ թուրքական «Haberler.com» կայքի Հոլանդիայի դեսպանության հավատարմատարին միանգամից 2 նոտա է հանձնվել:
Առաջին նոտայով պաշտոնական Անկարան քննադատել է թուրք նախարարների նկատմամբ ցուցաբերված «դիվանագիտական էթիկային և միջազգային կոնվենցիաներին հակասող» վերաբերմունքը և Հոլանդիայի իշխանություններից պահանջել պաշտոնապես գրավոր ներողություն խնդրել:
Երկրորդ նոտան վերաբերվում է Հոլանդիայում թուրք ցուցարարների անցկացրած ակցիային արված հոլանդական ոստիկանության «անհամաչափ» միջամտությանը:
Բացի այդ պահանջ է ներկայացվել Հոլանդիայի իշխանություններին հետաքննություն սկսել թուրք նախարարների և թուրք բնակչության դեմ դրսևորված խախտումների վերաբերյալ, դրանք կատարողներին պատասխանատվության ենթարկել և այդ մասին տեղեկացնել Թուրքիայի ԱԳՆ-ին:
Հիշեցնենք, որ Հոլանդիայի կառավարությունն իր երկրի տարածքում վայրէջքի թույլտվություն չէր տվել Թուրքիայի արտգործնախարար Մևլութ Չավուշօղլուին և ընտանիքի ու սոցիալական քաղաքականության հարցերով նախարար Ֆաթմա Քայային: Արդյունքում չեղարկվել էր Ռոտերդամում Չավուշօղլուի մասնակցությամբ տեղի ունենալիք «Այո սահմանադրական բարեփոխումներին» խորագրով հավաքը:
Իսկ Քայան, մարտի 10-ին պետք է քարոզչական հանդիպում անցկացներ Հենգելո քաղաքում ապրող թուրքերի հետ, վայրէջքի իրավունք չստանալուց հետո ցամաքային ճանապարհով մուտք էր գործել երկիր: Նա ուղևորվել էր դեպի Ռոտերդամում Թուրքիայի գլխավոր հյուպատոսարան, սակայն ոստիկանությունը կանգնեցրել էր նրան և որպես «անցանկալի անձ» (persona non grata) արտաքսել երկրից:
Ապրիլի 16-ին Թուրքիայում անցկացվելու է սահմանադրական փոփոխությունների հանրաքվե: Ներկա դրությամբ Թուրքիայի սահմաններից դուրս հանրաքվեին մասնակցելու իրավունք ունեցող շուրջ 2.9 մլն քաղաքացի է բնակվում: Հոլանդիան թուրք ընտրողների թվի առումով Եվրոպայում երրորդ երկիրն է: Այստեղ բնակվում է ընտրության իրավունք ունեցող 245.000 Թուրքիայի քաղաքացի:
Այս ենթաբաժնի վերջին նորությունները
Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։
Նիկոս Խրիստոդուլիդեսը ՄԱԿ-ի Գլխավոր ասամբլեայի 79-րդ նստաշրջանի ելույթի ընթացքում անդրադարձել է թուրք-կիպրական հարաբերություններին։
Դա կլինի երկու երկրների առաջնորդների առաջին դեմ առ դեմ հանդիպումը Թուրքական տանը այն բանից հետո, ինչ Փեզեշքիանի ընտրվել է Իրանի նախագահի պաշտոնում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի արտգործնախարարությունն արձագանքել է ԱՄՆ-ի կողմից Կիպրոսի նկատմամբ զենքի էմբարգոի չեղարկումը նորից երկարաձգելու որոշմանը:
Թուրքիայի ԱԳ նախարարն անդրադարձել է Իսրայելի վարչապետին և նրա գլխավոր կառավարությանը մեղադրել Պաղեստինի նկատմամբ ոճրալից քաղաքականություն իրականացնելու մեջ:
Թուրքիայի նախագահը միջադեպի կապակցությամբ X հարթակում գրառում է հրապարակել՝ առանց Նասրալլահի անունը հիշատակելու։
Թուրքիայի նախագահը կառավարության նիստից հետո ունեցած ելությում անդրադարձել է Մերձավոր Արևելքում տեղի ունեցող իրադարձություններին։
«Սննդի համաշխարհային ծրագրի» հայտարարության համաձայն՝ այդպիսի նախաձեռնությամբ հանդես են գալու նաև արաբական և եվրոպական մի շարք երկրներ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |