New York Times-ի անդրադարձը թուրք-եվրոպաական հարաբերությունների սրմանը

Միջազգային10:03, 13 Մարտ 2017

New York Times-ի անդրադարձը թուրք-եվրոպաական հարաբերությունների սրմանը

Ամերիկյան «New York Times» պարբերականի թղթակից Պատրիկ Քինգսլեյը Թուրքիա-Հոլանդիա լարվածության համատեքստում անդրադարձել է թուրք-եվրոպական հարաբերությունների սրմանն ու դրանց պատճառներին:

Թուրքական ընդդիմադիր «T24» լրատվակայքի փոխանցմամբ՝ Քինգսլեյը մասնավորապես ուշադրություն է հրավիրել այն հանգամանքին, որ Թուրքիայի և Հոլանդիայի միջև առաջացած լարվածությունն արձագանքն է գտել նաև այդ երկրների ներքին քաղաքական կյանքում:

«New York Times» -ի թղթակիցը նշել է, որ սպասվելիք հանրաքվեի արդյունքների անորոշության ֆոնին Թուրքիայում առաջացել է այն կարծիքը, թե Էրդողանը վիճում է Եվրոպայի հետ՝ շահելու համար ազգայնականների աջակցությունը:

Քինգսլեյը մեջբերել է լրագրող և մտավորական Ջենգիզ Չանդարի հետևյալ մեկնաբանությունը. «Այսօրվա Թուրքիայի արտաքին քաղաքականությունը՝ Սիրիայից մինչև Հոլանդիա և Գերմանիա, կապված է ներքին քաղաքական առօրյայի հետ: Այս պահին Թուրքիայի արտաքին քաղաքականություն, որպես այդպիսին, գոյություն չունի: Թուրքիայի արտաքին քաղաքականությունը պայմանավորված է Էրդողանի նախահանրաքվեական քարոզարշավով»:

Ամերիկացի լրագրողը կարծիք է հայտնել, որ Էրդողանի՝ Եվրոպայի հետ հարաբերությունները սրելու հնարավոր պատճառներից մեկն էլ ընդդիմադիր «Ազգայնական շարժում» կուսակցության (ԱՇԿ - MHP) վրա ազդեցություն գործելն է:

Քինգսլեըը նաև նշել է, որ Եվրոպային քննադատող Էրդողանը սեփական երկրում իր կատարած արարքների համար մեղադրվում է երկերեսանիության մեջ: Այս համատեքստում նա հիշեցրել է հուլիսի 15-ի հեղաշրջման փորձից հետո Թուրքիայում սկիզբ առած ձերբակալությունների, ազատազրկումների, հետաքննությունների և աշխատանքից ազատման բազմաթիվ դեպքերի մասին:

Հոդվածը եզրափակվում է թուրք լրագրող Չանդարի հետևյալ խոսքերով.

«Նա այն երկրի նախագահն է, որի բանտերում 150-ից ավելի լրագրող, ընդդիմադիր գրող և քաղաքական գործիչ է գտնվում: Խորհրդարանում ներկայացված՝ մեծությամբ 3-րդ կուսակցության առաջնորդներն ու պատգամավորները ևս բանտում են: Թուրքիան վերածվել վախի հանրապետության»:

Աղբյուր` Ermenihaber.am

Այս ենթաբաժնի վերջին նորությունները

15:10, 27 դեկտ

44 տոննա բժշկական պարագաներ կուղարկվեն Թուրքիա՝ Սիրիային տրամադրելու նպատակով

Նախաձեռնությունն իրականացվում է Եվրամիության և «Առողջապահության համաշխարհային կազմակերպության» կողմից։

14:50, 19 դեկտ

Հուլուսի Աքար. «Արևելյան Միջերկրականում ուժերի հավասարակշռությունը կարող է փոխվել»

Ըստ Թուրքիայի ազգային ժողովի պաշտպանության հանձնաժողովի նախագահի՝ Սիրիայում կարգուկանոն հաստատվելուց հետո Թուրքիան կարող է ծովային իրավասության քայլեր ձեռնարկել։