Քաղաքական09:53, 24 Մարտ 2017
Շվեյցարիան անհանգստացած է թուրքական հետախուզական ծառայության գործունեությամբ
Շվեյցարիայի արտաքին գործերի նախարար Դիդիե Բուրքհալթերը անհանգստացած է, որ ապրիլի 16-ին Թուրքիայում կայանալիք սահմադրական հանրաքվեից առաջ այդ երկրի հատուկ ծառայությունները անօրինական ճանապարհով կարող են հետևել Շվեյցարիայում բնակվող թուրքերին: Ըստ «Sputnik» լրատվամիջոցի թուրքական ծառայության` Բուրքհալթերն այս հարցի վերաբերյալ իր մտահոգություններն հայտնել է Թուրքիայի արտգործնախարար Մևլութ Չավուշօղլուին:
Վերջինիս հետ հանդիպման ժամանակ շվեյցարիացի նախարարը հայտնել է, որ Շվեյցարիան ուշադրությամբ ուսումնասիրելու է իր տարածքում ապօրինի իրականացվող հետախուզական գործունեությունները:
Ըստ Բուրքհալթերի՝ խոսքի ազատությունը Շվեյցարիայի կողմից ճանաչված համամարդկային արժեք է, և այդ ազատությունը պետք է տարածվի նաև Շվեյցարիայում ապրող թուրք քաղաքացիների վրա, անկախ այն բանից, թե որտեղ են նրանք քվեարկելու՝ Շվեյցարիայում, թե Թուրքիայում:
Արտգործնախարարը նաև խոսել է Թուրքիայում 2016թ հուլիսի 15-ի ռազմական հեղաշրջման փորձից հետո հաստատված արտակարգ դրության և դրա հետևանքով ստեղծված ծանր դրության մասին:
Նա նշել է, որ հայտարարված ատակարգ դրությունը չպետք է խոչընդոտի, որ Թուրքիայի կյանքի կոչի մարդու իրավունքների հարցում ստանձնած պարտականությունները:
Աղբյուրը նշում է, որ Շվեյցարիայում այս պահի դրությամբ ապրում է 68 հազար թուրք:
Այս ենթաբաժնի վերջին նորությունները
Թուրքիայի արտաքին գործերի նախարարը հարցազրույց է տվել «CNN Turk»-ին և անդրադարձել Սիրիայում և Գազայում տիրող իրավիճակին։
Թուրքիայի գլխավոր ընդդիմադիր կուսակցության առաջնորդը նաև կրկնել է Էրդողանին ուղղված վիրավորական արտահայտությունը՝ նրան համարելով «ավազակախմբի անդամ»:
Ապրիլի 9-ին էլ Էրդողանը, անդրադառնալով հանդիպման հնարավորությունը, անձամբ ևս նշել էր, որ հաջորդ օրն այն կայանալու է:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ռուսաստանի արտգործնախարար Սերգեյ Լավրովը ապրիլի 12-ին կմեկնի Թուրքիա՝ մասնակցելու դիվանագիտական ֆորումին։
Անգլիական ամսագիրը վերլուծական հոդված է հրապարակել Սիրիայի շուրջ Թուրքիայի և Իսրայելի միջև աճող լարվածության վերաբերյալ։
ԱՄՆ-ն ժամանակին Թուրքիային դուրս էր թողել այդ կործանիչների արտադրության համատեղ ծրագրից, քանի որ Անկարան Ռուսաստանից գնել էր ռուսական S-400 ՀՕՊ համակարգեր:
Թուրքիայի «Մարմարա քրեակատարողական հիմնարկների համալիրը» կազմված է 9 փակ և 1 բաց ռեժիմի բանտերից։
Kurdish Monitoring. «Թուրքիայում քրդերենի նկատմամբ սահմանափակումները ոչ թե պատահական, այլ համակարգային բնույթ են կրում»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |