Շվեյցարիայում հետաքննություն է սկսվել Էրդողանի պաստառի գործով

Միջազգային08:26, 27 Մարտ 2017

Շվեյցարիայում հետաքննություն է սկսվել Էրդողանի պաստառի գործով

Շվեյցարիայի դատախազությունը հետաքննություն է սկսել Բեռնում անցկացված բողոքի ակցիայի ժամանակ Թուրքիայի նախագահ Ռեջեփ Թայիփ Էրդողանին պատկերող ցուցապաստառի գործով:

Թուրքական «Doğan» լրատվական գործակալության տեղեկացմամբ` ցուցապաստառի վրա պատկերված է եղել Էրդողանը` քունքին ուղղված զենքով, իսկ ներքևում գրված է եղել. «Էրդողանին սպանեք իր իսկ զենքով»:

Մայրաքաղաք Բեռնի ոստիկանության մամուլի խոսնակ Դոմինիկ Ջագգին հայտնել է, որ հետաքննությունն իրականացվում է «հանցագործության դրդելու և բռնության բացահայտ կոչ անելու» հոդվածի շրջանականերում:

Նշվում է, որ Բեռնի քաղաքապետարանը այդ նույն բողոքի ակցիայի գործով մեկ այլ հետաքննություն է անցկացնում: Բեռնի անվտանգության վարչության պետ Ռետո Նոուզը հայտնել է, որ քաղաքապետարանը հետաքննություն է սկսել հանրահավաքի կազմակերպման պայմանները խախտելու պատճառով:

Նշենք, որ հանրահավաքի ժամանակ ծածանվել են քրդերի առաջնորդ Աբդուլլահ Օջալանի դիմանկարով պաստառներ, քրդական կազմակերպությունների դրոշներ: Հանրահավաքի և Էրդողանի ցուցապաստառի առնչությամբ իր դժգոհությունն էր հայտնել Անկարան՝Թուրքիայի արտգործնախարարություն կանելով Անկարայում Շվեյցարիայի դեսպան Ուոլթեր Հաֆֆներըև պահանջելով անհապահ իրավական միջոցներ ձեռնարկել:

Աղբյուր` Ermenihaber.am

Այս ենթաբաժնի վերջին նորությունները

11:40, 01 ապր

Ֆրանսիան և Թուրքիան կհամագործակցեն միջուկային բժշկության ոլորտում

«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։

13:16, 31 մարտ

Մակրոնը շնորհավորել է Էրդողանին

Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։

11:31, 27 մարտ

Հույները դիմել են Թրամփին Թուրքիայի դեմ հանդես գալու պահանջով

Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։