Հասարակական07:02, 01 Ապրիլ 2017
Լիբանանահայ նախարարը թիրախ է դարձել՝ «Թուրքիան չեմ սիրում» արտահայտության համար

Լիբանանյան մամուլում և սոցիալական ցանցերում արշավ է սկսվել այս երկրի հայ նախարար Ավետիս Կիտանյանի դեմ: Լիբանանի զբոսաշրջության նախարար Կիտանյանը թիրախ է դարձել մասնավորապես Թուրքիայի վերաբերյալ իր անձնական կարծիքը բարձրաձայնելու և Հայաստանը նախընտրելու պատճառով:
Թուրքական «Milliyet» թերթի կայքի տեղեկացմամբ՝ MTV Lebanon» հեռուստաընկերության եթերում հյուրընկալված հայ նախարարը, խոսելով Թուրքիայի մասին, ասել է.
«Այս պահին Թուրքիայում շատ խնդիրներ կան: Այս դժվարությունները նրանց համար վատ են, իսկ մեզ համար շատ լավ հնարավորություն են ստեղծում: Ես դրանից շատ գոհ եմ, քանի որ նրանց՝ Թուրքիային, չեմ սիրում»:
Կիտանյանը նաև նշել է, որ չի խրախուսում ոչ միայն թուրք զբոսաշրջիկների այցը Լիբանան, այլև մերժում է ընդհանրապես Թուրքիայի հետ որևէ կապ ունեցող ամեն ինչ, խորհուրդ չի տալիս օգտվել թուրքական արտադրության ապրանքներից և չի ցանկանում որևէ հարաբերություն ունենալ Թուրքիայի հետ:
Իսկ հաղորդավարի սադրիչ հարցին, թե ընտրություն կատարելու անհրաժեշտության դեպքում որ երկիրը կնախընտրեր՝ Հայաստանը, թե՞ Լիբանանը, Կիտանյանը պատասխանել է, որ կնախըտրեր Հայաստանը:
Կիտանյանի այս հայտարարությունը սվիններով է ընդունվել որոշ լիբանանյան շրջանակների և, իհարկե, թուրքական մամուլի կողմից: Սոցցանցերում նույնիսկ հատուկ արշավ է սկսվել՝ «Կիտանյան, ներողություն խնդրիր, կամ հրաժարական տուր» կոչով:
Նախաձեռնության հեղինակները մասնավորապես նշում են, որ որպես Լիբանանի կառավարության ներկայացուցիչ՝ Կիտանյանն ուղղակի իրավունք չուներ հրապարակավ հանդես գալ հակաթուրքական հայտարարությամբ: Նրանց համոզմամբ՝ Լիբանանի նախարարը պետք է առաջին հերթին մտածի հենց Լիբանանի շահերի մասին, ուստի Հայաստանին նախապատվություն տալը ևս ճիշտ չէ:
Այս ենթաբաժնի վերջին նորությունները

Մի քանի րոպե անց մայրը նկատել է կատարվածը և դուրս է բերել նրան աղբարկղից:

Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:

Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։
Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |