Թուրքիան պատրաստվում է «Տիգրիսի վահան» օպերացիային Իրաքում

Տարածաշրջան08:15, 06 Ապրիլ 2017

Թուրքիան պատրաստվում է «Տիգրիսի վահան» օպերացիային Իրաքում

Սիրիայում «Եփրատի վահան» գործողության ավարտից հետո Թուրքիան Իրաքի տարածքում «Տիգրիսի վահան» օպերացիան է ծրագրում իրականացնել: Ըստ թուրքական «Yeni Şafak» թերթի կայքի` սպասվում է, որ գործողությունը կսկսվի Թուրքիայում ապրիլի 16-ին տեղի ունենալիք սահմանադրական փոփոխությունների վերաբերյալ հանրաքվեից հետո:

Այն ընթանալու է Իրաքի Սինջար շրջանի ուղղությամբ, որտեղ ըստ թուրքական կողմի պնդման` գտնվում են «Քուրդիստանի բանվորական կուսակցության» (ՔԲԿ-PKK) 9 ռազմական ճամբար, որոնք սպառնալիք են ներկայացնում Թուրքիայի համար:

Հաղորդվում է նաև, որ Թուրքիայի զինված ուժերը (ԶՈՒ) արդեն երկար ժամանակ է, ինչ կենդանի ուժ են կուտակում թուրք-իրաքյան սահմանին գտնվող Սիլոփի շրջանում: Սպասվում է, որ այնտեղ կկուտակվեն նաև մեծ թվով զրահապատ մեքենաներ, հաուբիցներ և տանկեր:

Միջանկյալ նշենք, որ PKK-ի գլխավոր ռազմաբազան գտնվում է Հյուսիսային Իրաքի Քանդիլ շրջանում:

Վերոնշյալ գործողությունը թուրքական ուժերը իրականացնելու են Իրաքի Բաշիքա շրջանում տեղակայված թուրքական ստորաբաժանումների հետ միասին:

Աղբյուրը նշում է, որ պաշտոնական Անկարան Սինջարում տեղակայված PKK-ի ուժերի դուրսբերման պահանջով մի քանի անգամ դիմել է թե Իրաքի կառավարությանը, թե Հյուսիսային Իրաքի քրդական ինքնավար շրջանի ղեկավարությանը: Սակայն նշյալ պահանջները և զգուշացումները ոչ մի դրական արդյունք չեն տվել: Նշվում է, որ նույնիսկ Մեսութ Բարզանիի ՔԲԿ-ին՝ ուղղված կոչերը «օդում մնացին»: Եվ վերջինիս զինված ուժերը որևէ գործողություն չսկսեցին PKK-ի դեմ:

Աղբյուր` Ermenihaber.am

Այս ենթաբաժնի վերջին նորությունները

18:45, 05 ապր

Թուրքիան ձգտում է խուսափել Իսրայելի հետ առճակատումից Սիրիայում

Թուրքիայի արտգործնախարար Հաքան Ֆիդանը Բրյուսելում կայացած ՆԱՏՕ-ի արտգործնախարարների հանդիպման շրջանակներում հարցազրույց է տվել Reuters-ին։

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: