Թուրքիայի առաջին պրոֆեսիոնալ բռնցքամարտիկը եղել է Կարպիս Զաքարյանը

Մարզական13:19, 26 Մայիս 2017

Թուրքիայի առաջին պրոֆեսիոնալ բռնցքամարտիկը եղել է Կարպիս Զաքարյանը

Ստամբուլում տեղի է ունեցել Թուրքիայի Հանրապետության պատմության մեջ առաջին պրոֆեսիոնալ բռնցքամարտիկ, Բիթլիսում ծնված ազգությամբ հայ Կարպիս Զաքարյանի մասին պատմող «Որտե՞ղ ես, Կարո» գրքի շնորհանդեսը:

Ըստ թուրքական «NTV» հեռուստալիքի կայքի՝ շնորհանդեսին ներկա են եղել գրիքի հեղինակ Էմինա Թեմելը, Թուրքիայի ընդդիմադիր «Ժողովուրդների դեմոկրատական» (ԺԴԿ-HDP) կուսակցության անդամ, մեջլիսի հայ պատգամավոր Գարո Փայլանը, ինչպես նաև անձամբ ինքը Զաքարյանը և մի շարք այլ մարդիկ:

Գրքում մասնավորապես ներկայացված է , թե ինչպես է Զաքարյանը իր մարզական կարիերայի ընթացքում հասել մեծ հաջողությունների: Բացի այդ անդրադարձ է կատարվում նրա անձնական կյանքին: Մասնավորապես հեղինակը ընթերցողին է ներկայացնում Զաքարյանի և Էրսիլյա անունով իտալացի մի աղջկա սիրո պատմությունը, որը, սակայն, երջանիկ ավարտ չի ունեցել:

Գրքում նաև անդրադարձ է կատարվում Թուրքիայի պատմության սև էջերից մեկին՝ 1955թ. սեպտեմբերի 6-7-ին Ստամբուլում և Իզմիրում հունական ու հայկական համայնքների վրա թուրքական իշխանությունների թողտվությամբ կազմակերպված վայրենաբարո հարձակումներին:

Աղբյուր` Ermenihaber.am

Այս ենթաբաժնի վերջին նորությունները

15:31, 13 դեկտ

UEFA-ն հրապարակել է 2024-ի ակումբային վարկանիշային աղյուսակը

Թուրքական ակումբները տեղ են գտել առաջին հարյուր լավագույն թիմերի շարքում:

11:12, 22 նոյ

Թուրքական մամուլը սկանդալային է համարում Euroleague-ի որոշումը

Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։