Ձերբակալվել է Amnesty International-ի Թուրքիայի գրասենյակի ղեկավարը

Իրավական08:05, 07 Հունիս 2017

Ձերբակալվել է Amnesty International-ի Թուրքիայի գրասենյակի ղեկավարը

Թուրքիայի Իզմիր քաղաքի հանրապետական գլխավոր դատախազության որոշմամբ ձերբակալվել է «Amnesty International» միջազգային իրավապաշտպան կազմակերպության Թուրքիայի գրասենյակի հիմնադիր և ղեկավար, փաստաբան Թաներ Քըլըչը:

Թուրքական «Gazetekarinca» լրատվամիջոցը, հղում անելով «Anadolu» պետական լրատվական գործակալությանը, նշում է, որ Քըլըչը և ևս 22 փաստաբան մեղադրվում են գյուլենականների հետ կապեր ունենալու և 2016-ի ռազմական հեղաշրջման փորձին մասնակցելու մեջ:

Թաներ Քըլըչին ձերբակալելու որոշումը խստորեն դատապարտվել է «Amnesty International»-ի ղեկավարության կողմից: Մասնավորապես կազմակերպության գլխավոր քարտուղար Սալիլ Շեթթին այդ ամենը որակել է որպես թուրքական իշխանությունների կամայականություն:

Կազմակերպության գլխավոր քարտուղարի հայտարարության մեջ նշվում է. «Նրանց մասնակցության վերաբերյալ հավաստի և ընդունելի ապացույցների բացակայության պատճառով մենք կոչ ենք անում թուրքական իշխանություններին անմիջապես ազատել Կիլիչին և 22 իրավաբաններին, նաև հանել մեղադրանքը նրանց վրայից»:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։