Տարածաշրջան07:40, 07 Հունիս 2017
Haberler. «Սաուդյան Արաբիան պատրաստվում է օկուպացնել Կատարը
Ծոցի երկրների հարաբերությունների ինստիտուտի տնօրեն, պրոֆեսոր Ալի ալ Ահմադը հայտարարել է, որ Սաուդյան Արաբիան պատրաստվում է լայնածավալ հարձակում գործել Կատարի վրա:
Ըստ թուրքական «Haberler.com» լրատվական կայքի՝ Ահմեդը հայտնել է, որ Կատարի հետ սահմանի երկայնքով արդեն նկատվում են սաուդական բանակի զորաշարժեր: Ըստ արաբ պրոֆեսորի՝ սաուդական սպասվելիք հարձակումը 2 նպատակ ունի. առաջին՝ սաուդցիները ցանկանում են Կատարը դարձնել իրենց կամակատար պետությունը, երկրորդ՝ ցանկանում են տիրանալ Կատարի հսկայական դրամական ռեզերվներին:
Ահմադը նշել է, որ Սաուդյան Արաբիայի գործողություններին աջակցում է նաև ԱՄՆ-ի նախագահ Դոնալդ Թրամփը, որը լավ հարաբերություններ ունի այդ երկրի թագավորական ընտանիքի հետ:
Պրոֆեսորի խոսքով սպասվող հարձակման պատճառներից մեկն էլ այն է, որ Թրամփը Սաուդյան Արաբիային նոր ֆինանսական պահանջներ է ներկայացրել և դրանք բավարարելու համար սաուդները նոր ֆինանսական ռեսուրսների կարիք ունեն:
Հիշեցնենք, որ վերջին օրերին Սաուդյան Արաբիան, Եգիպտոսը, Բահրեյնը, Արաբական Միացյալ Էմիրությունները, Եմենը և Լիբիան խզել են Կատարի հետ դիվանագիտական հարաբերությունները՝ վերջինիս մեղադրելով «տարածաշրջանն ապակայունացնելու» մեջ։ Կատարի հետ կապերը խզել են նաև Մալդիվյան կղզիները։
Կատարի հետ կապերը խզելու այս որոշումը մայիսին ծագած տեղեկատվական սկանդալի շարունակությունն է։ Մայիսի 23-ին կատարական QNA գործակալությունը հրապարակել էր երկրի էմիր Թամիմ ալ-Թանիի խոսքերը՝ Սաուդյան Արաբիայից դեսպանին հետ կանչելու և Իրանի հետ հարաբերությունները կարգավորելու մտադրության մասին։ Բացի այդ, էմիրին վերագրվող հայտարարության մեջ նաև ասվում էր, որ ԱՄՆ նախագահ Դոնալդ Թրամփի իշխանությունը երկար չի տևի։ Ավելի ուշ Կատարը պարզաբանել է, որ գործակալության կայքը հաքերային հարձակման էր ենթարկվել, սակայն Սաուդյան Արաբիան, ԱՄԷ-ն և Բահրեյնը հերքումը ոչ համոզիչ են համարել։ Նրանք Կատարին մեղադրում են Իսլամական պետության (ԻՊ) և Ալ-Կաիդային աջակցելու մեջ։
Ռիյադը փակել է իր սահմանները՝ խզելով ցամաքային, ծովային և օդային կապը Կատարի փոքրիկ թերակղզու հետ։
Այս ենթաբաժնի վերջին նորությունները
Թուրքիայի արտգործնախարար Հաքան Ֆիդանը Բրյուսելում կայացած ՆԱՏՕ-ի արտգործնախարարների հանդիպման շրջանակներում հարցազրույց է տվել Reuters-ին։
Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։
Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայում իշխող կուսակցության Գազիանթեփի պատգամավոր Ալի Շահինը կիսվել է Գլեն Ֆրեդերիկ Մաթեսոնի պատմությամբ
Իրանը դիվանագիտական նոտա է հղել 6 երկրի՝ նախազգուշացնելով, որ Իրանին հարվածելու համար ԱՄՆ-ի կողմից իրենց օդային և կամ ցամաքային տարածքի օգտագործումը որակվելու է որպես «թշնամական քայլ»:
Թուրքական արմատներով բրիտանացի գրողը Թուրքիայի ներքաղաքական իրավիճակի վերաբերյալ հոդոված է հրապարակել «Financial Times»-ում։
Մարտի 28-ին՝ մահմեդականների պահքի ամսվա՝ Ռամադանի վերջին օրը Թեհրանում մեծ ցույց էր` ի աջակցություն պաղեստինցիների:
ԱՄՆ նախագահը Սպիտակ տանն Իսրայելի վարչապետ Բենիամին Նեթանյահուի հետ հանդիպման ընթացքում խոսել է Սիրիայում Թուրքիայի ունեցած դերի մասին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |