Միջազգային07:29, 22 Հունիս 2017
Թուրքիայի զինուժը կպահպանի իր ներկայությունը Կիպրոս կղզում
Թուրքիայի զինուժը կշարունակի պահպանել իր ներկայությունը Հյուսիսային Կիպրոսի թուրքական Հանրապետությունում (ՀԿԹՀ): Այդ մասին հայտարարել պաշտոնական այցով Անկարայում գտնվող ՀԿԹՀ-ի արտգործնախարար Թահսին Էրթուղրուլօղլուն: Վերջինս Կիպրոսի հիմնախնդրի վերաբերյալ հարցազրույց է տվել թուրքական «Anadolu» լրատվական գործակալությանը:
Նշվում է, որ առաջիկայում՝ հուլիսի 28-ին, Կիպրոսի հիմնախնդրի շուրջ շվեյցարական Կրանս-Մոնթանա քաղաքում անցկացվելու են բանակցություններ և հանդիպումներ՝ Կիպրոսի հունական և թուրքական հատվածների ղեկավարության միջև:
Հարցազրույցի ժամանակ արտգործնախարարը նշել է, Թուրքիան իրավունք ունի ռազմական միջամտություն իրականացնել այն դեպքում, եթե հակամարտող կողմերից որևէ մեկը սպառնալիք է ներկայացնում մյուսի նկատմամբ:
Ըստ Էրթուղրուլօղլուի՝ հիմնախնդրի չլուծման գլխավոր պատճառն այն է, որ Կիպրոսի հունական համայնքը տեղի թուրքական համայնքին համարում է, որպես «փոքրամասնություն», այնինչ պետք է համարեր որպես «գործընկեր»:
Նա սպառնացել է, որ եթե հունական կողմը կրկնի 1963թ. իրականացրածը՝ այսինքն փորձի իր վերահսկողության վերցնել ամբողջ կղզին, Թուրքիան իրավունք կունենա միակողմանի ռազմական միջամտություն իրականացնել:
«Այդ իսկ պատճառով թող ոչ մեկ չերազի: Թուրքիայի զինուժը կղզում կա և կլինի: Անհրաժեշտության դեպքում Թուրքիան իրավունք կունենա միակողմանի միջամտության»,- շեշտել է Հյուսիսայի Կիպրոսի արտգործնախարարը:
Հիշեցնենք, որ թուրքական զորքերը Կիպրոս են ներխուժել 1974 թվականին և զավթել կղզու հյուսիսային մասը:Իսկ 1983թ. նոյեմբերի 15-ին թուրքական կողմը հռչակել է Հյուսիսային Կիպրոսի Թուրքական Հանրապետության անկախությունը: Որպես անկախ պետություն Հյուսիսային Կիպրոսի Թուրքական Հանրապետությունը ճանաչված է միայն Թուրքիայի կողմից: Միջազգային հանրությունը համարում է, որ ՀԿԹՀ-ն Կիպրոսի Հանրապետության օկուպացված տարածքն է։
Այս ենթաբաժնի վերջին նորությունները
Ըստ Թուրքիայի ազգային ժողովի պաշտպանության հանձնաժողովի նախագահի՝ Սիրիայում կարգուկանոն հաստատվելուց հետո Թուրքիան կարող է ծովային իրավասության քայլեր ձեռնարկել։
Նշվում է, որ Թուրքիայի ռազմական մոբիլիզացիան նման է 2019-ի Սիրիայի հյուսիս-արևելքում ռազմական գործողություններից առաջ տիրող իրավիճակին։
Թուրքիան կոչ է արել միջազգային հանրությանը վճռաբար արձագանքել Իսրայելի գործողություններին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հայոց ցեղասպանության թանգարան-ինստիտուտին գորգը նվիրաբերել է Կալիֆորնիայի նահանգային համալսարանի ուսուցիչ, դոկտոր Վահրամ Շեմմասյանը:
Էլեկտրոնային պատերազմի թուրքական համակարգերը լիովին խաթարել էին Ասադի ռեժիմի ռազմական հաղորդակցության ենթակառուցվածքը Սիրիայում։
Ֆիդանն ընդգծել է, որ Թուրքիան պատրաստ է աջակցություն ցուցաբերել Սիրիայի ժողովրդի կարիքները հոգալու գործին։
Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ:
Թուրքական լրատվամիջոցները որոշ ուշագրավ տեղեկություններ են հայտնել Շիբանիի կենսագրության և գործունեության մասին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |