Թուրքիայի գլխավոր ընդդիմադիրը դիմում է եվրադատարան

Իրավական08:40, 04 Հուլիս 2017

Թուրքիայի գլխավոր ընդդիմադիրը դիմում է եվրադատարան

Թուրքիայի գլխավոր ընդդիմադիր «ժողովրդահանրապետական կուսակցության» (CHP-ԺՀԿ) նախագահ Քեմալ Քըլըչդարօղլուն հայտարարել է, որ ԺՀԿ-ն սահմանադրական փոփոխությունների մասին հանրաքվեի արդյունքները վիճարկելու է Մարդու իրավունքների եվրոպական դատարանում (ՄԻԵԴ):

Այս մասին Քըլըչդարօղլուն լրագողներին հայտնել է Անկարայից Ստամբուլ «Արդարության քայլերթի» 20-րդ օրը կազմակերպված մամուլի ասուլիսի ժամանակ: Քըլըչդարօղլուն լրագրողների ներկայությամբ ստորագրել է ՄԻԵԴ ուղարկվելիք հայցադիմումը, որով ընդդիմադիրները բողոքարկում են Թուրքիայի կենտրոնական ընտրական խորհրդի (ԿԸԽ)՝ չկնքված քվեաթերթիկները հաշվարկելու որոշումը:

«Ցավոք, հանաքվեի ժամանակ ԿԸԽ-ի որոշման արդյունքում հանրաքվեի արդյունքները դարձան ոչ լեգիտիմ»,-հայտարարել է Քըլըչդարօղլուն՝ նշելով, որ թղթածրարը ՄԻԵԴ կուղարկվի հենց այսօր:

Հիշեցնենք, որ 2017թ ապրիլի 16-ին Թուրքիայում քվեարկության էր դրվել 18 հոդվածից բաղկացած սահմանադրական փոփոխությունները փաթեթը, որով նախ և առաջ նախատեսվում է անցում կառավարման նախագահական համակարգին: Հանրաքվեին կողմ էր քվեարկել մասնակիցների 51.21 տոկոսը, դեմ՝ 48.79 տոկոսը:

Աղբյուր` Ermenihaber.am

Այս ենթաբաժնի վերջին նորությունները

10:04, 26 նոյ

Թուրքիայում ընդդիմադիր քաղաքական գործիչ է ձերբակալվել

Դիարբեքիր նահանգի մի շարք հասցեներում խուզարկություններ է իրականացվել: Ձերբակալվածներին տեղափոխել են ահաբեկչության դեմ պայքարի բաժանմունք:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։