Քաղաքական13:04, 06 Հուլիս 2017
ԵԽ-ն եվրոպական երկրներին կոչ է արել դադարեցնել Թուրքիայի հետ ԵՄ անդամակցության շուրջ բանակցությունները
Հուլիսի 6-ին Ստրասբուրգում կայացած ԵԽ նիստի ժամանակ Թուրքիայի վերաբերյալ զեկույց է ընդունվել: Ըստ թուրքական «Haberler» լրատվական կայքի՝ նշյալ զեկույցով Թուրքիայում սահմանադրական փոփոխությունների փաթեթի՝ ուժի մեջ մտնելու դեպքում, Եվրամիության (ԵՄ) անդամ երկրներին կոչ է արվում առկախել պաշտոնական Անկարայի հետ եվրաանդամակցության շուրջ բանակցությունները: Զեկույցի ընդունման օգտին քվեարկել է Եվրահանձնաժողովի 477 պատգամավոր, իսկ 64-ը դեմ է արտահայտվել:
Միջանկյալ նշենք, որ Թուրքիայում ապրիլի 16-ին կայացած հանրաքվեին մասնակցած քաղաքացիների 51.41 տոկոսը կողմ է քվեարկել սահմանադրական փոփոխություններին, իսկ 48.59 տոկոսը՝ դեմ: Փոփոխությունների փաթեթով նախատեսվում է անցում կառավարման նախագահական համակարգի, իսկ երկրի նախագահի լիազորությունները ընդլայնվում են:
Զեկույցում նշվել է, որ Թուրքիայի սահմանադրական փոփոխությունները չեն համապատասխանում եվրոպական չափանիշներին:
Միաժամանակ ԵԽ-ն կոչ է արել եվրոպական երկրներին իրենց տարածքում արգելել «Քուրդիստանի բանվորական» կուսակցության (ՔԲԿ-PKK) դրոշի ծածանումը՝ հիշեցնելով, որ վերջինս գտնվում է ԵՄ-ի ահաբեկչական կազմակերպությունների ցուցակում:
Այս զեկույցին արդեն հասցրել է արձագանքել թե Թուրքիայի արտգործնախարարությունը, թե Թուրքիայի Եվրամիության (ԵՄ) հարցերով նախարար և գլխավոր բանագնաց Օմեր Չելիքը:
Մասնավորապես, Թուրքիայի ԱԳՆ-ը հայտարարել է, որ Թուրքիան երբեք չի ընդունի այդ զեկույցը: Վերջինս որակվել է, որպես «սադրանք» ուղղված Թուրքիայի դեմ: Չելիքը նույնպես զեկույցը դատապարտող հայտարարություն է արել:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքիայի ներքին գործերի նախարար Ալի Յերլիքայան սոցցանում գրառում է արել երկրում ներգաղթյալների թվաքանակի վերաբերյալ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |