Միջազգային07:28, 06 Հուլիս 2017
Ինտերպոլը հերքել է Թուրքիայի համար արգելք սահմանելու մասին լուրը
Քրեական ոստիկանության միջազգային կազմակերպությունը (Ինտերպոլ) հերքել է լուրերն այն մասին, թե որոշ տվյալների բազաներ արգելափակվել են Թուրքիայի համար:
«BBC Türkçe»-ի տեղեկացմամբ՝ Ինտերպոլի խոսնակը հայտնել է, որ Ինտերպոլի ոչ մի բազայի, այդ թվում և միջազգային հետախուզման մեջ գտնվող անձանց ցանկի նկատմամբ Թուրքիայի համար արգելք չի սահմանվել:
«Ինտերպոլը աջակցում է բոլոր 190 երկրներին՝ ի շահ անվտանգության ոլորտում արդյունավետ համագործակցության: Թուրքիայի մուտքը որևէ բազա չի արգելափակվել, նման արգելք չի սահմանվել նաև միջազզգային հետախուզման մեջ գտնվող անձանց տվյալների բազայի վերաբերյալ», - նշել է խոսնակը:
Ինտերպոլից նաև պարզաբանել են, որ համաձայն կազմակերպության կանոնակարգի՝ Ինտերպոլն իրավունք չունի որևէ քաղաքական, կրոնական, ռազմական կամ էթնիկ բնույթի գործուներություն ծավալել կամ միջամտել նման խնդիրների: Կազմակերպության դերն է ապահովել հնարավորինս ընդարձակ համագործակցություն տարբեր երկրների օրենքների և Մարդու իրավունքների համընդհանուր հռչակագրի շրջանակներում:
Այս համատեքստում կազմակերպությունը ստուգում է անդամ երկրների կողմից մուտքագրվող հայտարարությունները և եթե դրանք որևէ կերպ խախտում են վերոնշյալ կանոնակարգը կամ չափանիշները, ապա չեն ներառվում տվյալների բազայի մեջ:
Հիշեցնենք, որ նախօրեին թուրքական մամուլում տեղեկություններ էին տարածվել, թե Ինտերպոլն անորոշ ժամանակով արգելափակել է Թուրքիայի մուտքը տվյալների բազա: Թուրքական կողմի պնդմամբ՝ պատճառն այն էր, որ 2016թ. հեղաշրջման փորձից հետ մեկ տարվա ընթացքում Թուրքիան «Գյուլենական համայնքի» (FETÖ) հետ կապի մեղադրանքով Ինտերպոլի բազայում էր ներառել 60.000 անձանց անուններ:
Այս ենթաբաժնի վերջին նորությունները
Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։
ԱՄՆ նորընտիր նախագահ Դոնալդ Թրամփը նրան առաջադրել է «Medicare» և «Medicaid» ծառայությունների կենտրոնի ղեկավարի պաշտոնի համար։
Ստորագրահավքի արդյունքները ներկայացվելու են Թուրքիայի խորհրդարան (մեջլիս):
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքիայի ներքին գործերի նախարար Ալի Յերլիքայան սոցցանում գրառում է արել երկրում ներգաղթյալների թվաքանակի վերաբերյալ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |