Գերմանիան սկսել է Ինջիրլիքից դուրս բերել իր ռազմական ուժերը (լուսանկարներ)

Միջազգային08:50, 10 Հուլիս 2017

Գերմանիան սկսել է Ինջիրլիքից դուրս բերել իր ռազմական ուժերը (լուսանկարներ)

Գերմանիային պատկանող ռազմական ինքնաթիռներն արդեն դուրս են բերվում Ադանայի Ինջիրլիք ռազմաբազայից: «CNNTürk» լրատվակայքի համաձայն՝ Թուրքիայից գերմանական ռազմական ուժերի տեղափոխման նախապատրաստական աշխատանքները սկսվել էին դեռևս մեկ ամիս առաջ:

Նախատեսվում է, որ բեռնատար օդանավերով իրականացվող տեղափոխությունը կավարտվի երկու ամսվա ընթացքում՝ սկսած հուլիսի 2-ից: Իսկ գերմանական «Tornado» ռազմական ինքնաթիռները դեռ որոշ ժամանակ կմնան Ինջիրլիքում կամ կտեղակայվեն Գերմանիայում՝ շարունակելով մասնակցել ԻՊ-ի դեմ կազմակերպվող գործողություններին: Դրանք Հորդանան կտեղափոխվեն ավելի ուշ, երբ Հորդանանի օդանավակայանում կավարտվեն համապատասխան նախապատրաստությունները:

«Իսլամական պետություն» (ԻՊ-DEAŞ) ահաբեկչական խմբավորման դեմ ձևավորված կոալիցիայի անդամ Գերմանիայի ռազմական ուժերը Թուրքիայում տեղակայվել էին 2015թ. դեկտեմբերի 10-ին:

Սակայն 2016թ. հունիսին Բունդեսթագի կողմից Հայոց ցեղասպանությունը ճանաչող բանաձևի ընդունումից հետո Թուրքիան արգելեց գերմանացի պատգամավորներին՝ այցելել Ինջիրլիքի իրենց զինվորականներին: Այս առթիվ ծագած կոնֆլիկտի համատեքստում Գերմանիան, ի վերջ, վճռեց Ադանայում գտնվող իր 260 զինվորականներին և ռազմական ինքնաթիռները տեղափոխել Հորդանան:

Աղբյուր` Ermenihaber.am

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: