Թուրքիայի քրդամետ կուսակցությունը պատրաստվում է դատի տալ Էրդողանին

Իրավական12:25, 11 Հուլիս 2017

Թուրքիայի քրդամետ կուսակցությունը պատրաստվում է դատի տալ Էրդողանին

Քրդամետ «Ժողովուրդների դեմոկրատական կուսակցության» (HDP-ԺԴԿ) մամուլի քարտուղար Օսման Բայդեմիրը հայտարարել է, որ Թուրքիայի նախագահ Ռեջեփ Թայիփ Էրդողանը վիրավորանք է հասցրել իրենց կուսակցության համանախագահ Սելլահաթթին Դեմիրթաշին:

Ըստ թուրքական «Yaniakit»թերթի կայքի՝ խոսքը վերաբերում է Էրդողանի այն հայտարարությանը, երբ վերջինս Համբուրգում տեղի ունեցած մեծ քսանյակի գագաթնաժողովի ժամանակ Դեմիթաշին անվանել էր «ահաբեկիչ»:

Բայդեմիրը հայտնել է, որ նշյալ հարցով իրենք դատական հայց են ներկայացնելու՝ բարոյական փոխհատուցում ստանալու նպատակով: Խոսնակը շեշտել է, որ իրենք հարցը տեղափոխելու են նաև եվրադատարան:

Հիշեցնենք, որ 2016թ. նոյեմբերին Թուրքիայում ձերբակալվել էր քրդամետ կուսակցության 16 անդամ, այդ թվում կուսակցության համանախագահներ Դեմիրթաշն ու Ֆիգեն Յուկսեքդաղը: Ձերբակալությունները տեղի են ունեցել միաժամանակ Թուրքիայի մի քանի քաղաքներում, մասնավորապես, Անկարայում, Դիարբեքիրում, Մարդինում:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։