Թուրքիայում արտակարգ դրությունը կարող է ևս 3 ամսով երկարաձգվել

Տարածաշրջան12:27, 14 Հուլիս 2017

Թուրքիայում արտակարգ դրությունը կարող է ևս 3 ամսով երկարաձգվել

Թուրքիայի իշխանությունները ցանկանում են երկարաձգել երկրում գործող արտակարգ դրությունը:

Ըստ թուրքական «Haberler» լրատվամիջոցի՝ լրագրողների հետ զրույցում Թուրքիայի վարչապետ Բինալի Յըլդըրըմը հանրությանը տեղեկացրել է, որ կառավարությունը առաջարկելու է երկրում գործող արտակարգ դրությունը երկարաձգել ևս 3 ամսով:

«Արտակարգ դրության ժամկետը հուլիսի 19 –ին լրանում է: Կառավարությունը սկզբունքորեն կողմնակից է՝ դիմել Թուրքիայի ազգային անվտանգության խորհրդին՝ արտակարգ դրության երկարաձգման առաջարկի հարցով»,-ասել է Թուրքիայի վարչապետը:

Վերջին անգամ Թուրքիայում արտակարգ դրությունը երկրաձգվել էր ապրիլի 19-ին՝ 3 ամիս ժամկետով:

Հիշեցնենք, որ անցյալ տարի հուլիսի 15-ին Թուրքիայում տեղի ունեցած ռազմական հեղաշրջման փորձից հետո թուրքական իշխանությունները երկրում հայտարարեցին արտակարգ դրություն: Այն մի քանի անգամ արդեն երկարաձգվել է: Դրանց ընթացքում ողջ երկրով մեկ զանգվածային ձերբակալություններ են տեղի ունենանում:

Աղբյուր` Ermenihaber.am

Այս ենթաբաժնի վերջին նորությունները

19:03, 12 ապր

Էրդողան․ «Թուրքիան շարունակում է ջանքերը Կովկասում մնայուն խաղաղություն հաստատելու ուղղությամբ»

Թուրքիայի նախագահը նշել է, որ եվրաանդամակցության հարցն իրենց համար շարունակում է մնալ ռազմավարական նպատակ։

11:14, 09 ապր

Բաքվում կայացել է Ադրբեջան-Թուրքիա առողջապահական ոլորտի համագումար

Երկու երկրների «Մանկական շտապ բուժօգնություն և ինտենսիվ թերապիա» խորագրով համագումարին մասնակցել է Ադրբեջանում Թուրքիայի նորանշանակ դեսպան Բիրոլ Աքգյունը։