Հասարակական08:11, 20 Հուլիս 2017
Վաշինգտոնում Թուրքիայի դեսպանատան դիմաց նոր ցույց է կազմակերպվել
Հուլիսի 19-ի առավոտյան Վաշինգտոնում Թուրքիայի դեսպանատան դիմաց նոր ցույց է կազմակերպվել: «Ամերիկայի ձայնի» թուրքական ծառայության տեղեկացմամբ՝ այս անգամ ցույցին մասնակցել են ինչպես մայիսի 16-ին նույն վայրում կազմակերպված բողոքի ակցիայի մասնակիցները, այնպես էլ՝ ԱՄՆ-ի ներկայացուցիչների պալատի 5 անդամներ:
Միջոցառումը կազմակերպվել է գլխավորապես հայկական և քրդական հասարակական կազմակերպությունների՝ «Ամերիայի քրդական միության», «Հայ-ամերիկյան ազգայի կոմիտեի», «Ամերիկայի Հելենական խորհրդի», «Քրիստոնեական պաշտպանության», «Հայ երիտասարդական ֆեդերացիայի» կողմից:
Շուրջ 40 ցուցարարի մասնակցությամբ անցկացված ակցիայի ժամանակ ԱՄՆ Ներկայացուցիչների պալատի անդամները հանդես են եկել ելույթով:
Մասնավորապես, ներկայացուցիչների պալատի անդամ Դանա Ռոհրաբախերը իր ելույթում խստորեն քննադատել է Թուրքիայի նախագահ Ռեջեփ Թայիփ Էրդողանին:
«Մենք ազատության պաշտպաններ ենք և կանգ չենք առնի, մինչև վերջ չտանք Թուրքիայում հաստատված բռնատիրությանը: Էրդողանը հենց այստեղ՝ մեր կանգնած տեղում հարձակվեց մարդկանց վրա՝ ինչպես որ դա անում է իր երկրում: Թուրք ժողովուրդը մեր բարեկամն է, բայց այս պահի նրանք ղեկավարվում են մեկի կողմից, ով ցանկանում է Թուրքիան վերածել իսլամիստական բռնապետության»,- ասել է Ռոհրաբախերը:
Նա նշել է, որ այն, ինչ արվեց Էրդողանի թիկնազորի անդամների կողմից Վաշինգտոնում՝ ԱՄՆ-ի քաղաքացիների դեմ, թույլ է տալիս պատկերացում կազմել, թե ինչեր են կատարվում հենց Թուրքիայի ներսում՝ երկրի բնակչության դեմ: Կենգրեսականը նշել է, որ իրենք աջակցում են սեփական ազատության համար պայքարողներին թե ԱՄՆ-ում և թե Թուրքիայում:
Ռոհրաբախերը նաև կարծիք է հայտնել, որ քանի դեռ Էրդողանը ներողություն չի խնդրել կատարվածի համար, նա չպետք է կրկին ԱՄՆ այցելի:
Հիշեցնենք, որ մայիսի 16-ին Սպիտակ տանը կայանալիք Էրդողան-Թրամփ հանդիպման առթիվ ԱՄՆ Հայ Դատի հանձնախումբը, Ամերիկայի Հելենական խորհուրդը և ազգային փոքրամասնությունների մի շարք այլ կազմակերպություններ խաղաղ ցույց էին կազմակերպել Վաշինգտոնում Թուրքիայի դեսպանատան հարևանությամբ՝ բողոքելով Թուրքիայի նախագահի ԱՄՆ այցի դեմ:
Թուրքիայի դրոշը կրող մի խումբ թուրք ազգայնամոլներ, որոնք, ինչպես ավելի ուշ պարզվեց, Էրդողանի թիկնազորի անդամներին էին, հարձակվել և դաժան ծեծի էին ենթարկել խաղաղ ցուցարարներին: Մի քանի վիրավորներ տեղափոխվել էին հիվանդանոց: Դեպքի առթիվ հարուցված հետաքննության շրջանակներում Էրդողանի թիկնապահների նկատմամբ հետախուզում էր հայտարարվել:
Այս ենթաբաժնի վերջին նորությունները
Ռուսաստանն ամենաշատ վիզաները տրամադրել է Թուրքմենստանի, Հնդկաստանի, Թուրքիայի և Գերմանիայի քաղաքացիներին։
Այդ որոշման շնորհիվ օտարերկրյա զբոսաշրջիկները կկարողանան ավելի շատ ճանապարհորդել Ռուսաստանում։
Թուրքական ԶԼՄ-ների համաձայն՝ 28 տարեկան Ադիրը կորել է Թուրքիա-Հայաստան սահմանն ապօրինի հատելիս:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրքական ԶԼՄ-ների համաձայն՝ 28 տարեկան Ադիրը կորել է Թուրքիա-Հայաստան սահմանն ապօրինի հատելիս:
Անթալիայի 4-րդ դիվանագիտական ֆորումի ընթացքում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։
Դիմիտրիոս Խուպիսը մասնակցել է Դելֆիի 10-րդ տնտեսական ֆորումին, որտեղ անդրադառնալով Թուրքիային նշել է, որ այդ երկիրը շարունակական սպառնալիք է ներկայացնում։
Ամերիկյան կայքը հրապարակել է 2025-ին Մերձավոր Արևելքի երկրների ռազմական ներուժի մասին զեկույց:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |