Միջազգային10:25, 28 Հուլիս 2017
ԻՆՏԵՐՊՈԼ-ը չեղարկել է Թուրքիայի համար սահմանված արգելքը
Քրեական ոստիկանության միջազգային կազմակերպությունը (Ինտերպոլ) չեղարկել է Թուրքիայի համար սահմանված տվյալների բազայի մուտքի արգելքը: Այս մասին տեղեկացնում է թուրքական «Haber7.com» լրատվակայքը:
Աղբյուրի հավաստմամբ՝ այս որոշման համար կարևոր նշանակություն է ունեցել Ինտերպոլի գլխավոր քարտուղար Յուրգեն Շտոքի ղեկավարած պատվիրակության այցը Թուրքիա: Հունիսի 21-ին կայացած այցի շրջանակներում Շտոքը մի շարք հանդիպումներ է ունեցել բարձրաստիճան թուրք պաշտոնյաների, այդ թվում՝ ներքին գործերի նախարար Սուլեյման Սոյլուի հետ:
Նա նաև այցելել է 2016թ. հուլիսի 15-ի հեղաշրջման փորձի ժամանակ ռմբակոծված Թուրքիայի ազգային մեծ ժողովի (ԹԱՄԺ-TBMM) շենք, «սեփական աչքերով տեսել» «FETÖ»-ի (Թուրքիայում ահաբեկչական խմբավորում համարվող, Ֆեթհուլլահ Գյուլենի կողմից ղեկավարվող կառույցը, որը մեղադրվում է հեղաշրջման փորձի կազմակերպման մեջ - խմբ.) կողմից կատարված ավերածությունները: Այցից հետո Թուրքիային կրկին թույլատրվել է մուտք գործել տվյալների բազա:
Ավելի վաղ Թուրքիան FETÖ-ի անդամ լինելու մեղադրանքով հետապնդման մեջ գտնվող միանգամից 70.000 մարդու անձնական տվյալներ էր մուտքագրել Ինտերպոլի բազա: Միջազգային կազմակերպությունը այդ թիվը չափազանց մեծ էր համարել ու արգելափակել էր բազայում նոր տվյալներ գրանցելու Թուրքիայի հնարավորույթունը:
Նշենք, որ բազայում գրանցված անձիք ցանկացած երկրում հայտնաբերվելու դեպքում նրանց անձնագրերը առգրավվում են, իսկ իրենք միայն ճամփորդական փաստաթղթով ուղարկվում են այն երկիր, որտեղից եկել են: Ուստի այս կերպ գյուլենականներին հայտնաբերելու հնարավորությունը կարևորող Թուրքիան 70.000-անոց ցուցակը վերանայելով կրճատել էր ու հասցրել 2.000-ի: Սակայն անգամ այդ դեպքում Ինտերպոլը չէր հանել Թուրքիայի համար սահմանված արգելքը:
Այս ենթաբաժնի վերջին նորությունները
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական ԶԼՄ-ների համաձայն՝ 28 տարեկան Ադիրը կորել է Թուրքիա-Հայաստան սահմանն ապօրինի հատելիս:
Անթալիայի 4-րդ դիվանագիտական ֆորումի ընթացքում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Դիմիտրիոս Խուպիսը մասնակցել է Դելֆիի 10-րդ տնտեսական ֆորումին, որտեղ անդրադառնալով Թուրքիային նշել է, որ այդ երկիրը շարունակական սպառնալիք է ներկայացնում։
Ամերիկյան կայքը հրապարակել է 2025-ին Մերձավոր Արևելքի երկրների ռազմական ներուժի մասին զեկույց:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |