Միջազգային08:33, 31 Հուլիս 2017
ՄԵրկելի կուսակցության փոխնախագահն առաջարկել է դադարեցնել Թուրքիային տրվող ֆինանսավորումը
Գերմանիայի կանցլեր Անգելա Մերկելի ղեկավարած կուսակցության՝ «Քրիստոնեադեմոկրատական միության» (CDU) փոխնախագահ Յուլյա Քլյոքները պահանջել է դադարեցնել եվրաինտեգրման բանակցությունների շրջանակներում Թուրքիային տրամադրվող ֆինանսավորումը:
«CNNTürk» -ի տեղեկացմամբ՝ Քլյոքները մասնավորապես ասել է. «Թուրքիային տրամադրվող միջոցները նախատեսված են իրավական պետության սկզբունքների ապահովման համար, այնինչ Թուրքիայում այս պահին բոլորովին հակառակ գործընթացն է կատարվում: Եվրամիությունը խրախուսում է ոչ թե ժողովրդավարության վերացումը, այլ դրա զարգացումը»:
Քլյոքները կարևորել է նաև Թուրքիա մեկնել ցանկացող գերմանացիներին ուղղված զգուշացումը և գերմանական ընկերությունների կողմից Թուրքիայում կատարվող ներդրումների ու դեպի Թուրքիա արտահանումների շրջանակներում տրամադրվող վարկային երաշխիքների վերանայման որոշումը: Գերմանացի գործիչը տեսակետ է հայտնել, որ Թուրքիայի հետ հարաբերություններում առկա լարվածությունը առավել քան մտահոգիչ է, և ընդգծել, որ Թուրքիան դեռևս չի կարող ԵՄ անդամ դառնալ:
Միևնույն ժամանակ CDU փոխնախագահը նշել է, որ Թուրքիայի հետ երկխոսությունը լիովին դադարեցնելը ևս ճիշտ չի լինի: Դա իր բացասական հետևանքները կունենա ինչպես Թուրքիայում ազատազրկված գերմանացիների, այնպես էլ Գերմանիայում ապրող և Թուրքիայի իրենց հարազատներին ազատորեն այցելել ցանկացող թուրքերի համար:
Հիշեցնենք, որ Թուրքիա - ԵՄ անդամակցության բանակցությունները սկսել են 2005թ.: ԵՄ անդամակցությանը պատրաստվելու նպատակով նախատեսված էր 2014-2020թթ. ընթացքում Թուրքիային 4 մլրդ 450 մլն եվրո ֆինանսական օգնություն տրամադրել: Թուրքական կողմի պնդմամբ՝ մինչ օրս ԵՄ-ն Թուրքիային վճարել է այդ գումարի շատ փոքր մասը միայն:
Այս ենթաբաժնի վերջին նորությունները
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անթալիայի դիվանագիտական ֆորումի (ԱԴՖ) շրջանակներում կայացել է Թուրքիայի նախագահ Ռեջեփ Թայիփ Էրդողանի և Ադրբեջանի նախագահ Իլհամ Ալիևի հանդիպումը:
Իսրայելի վարչապետն անդրադարձել է Թուրքիայի արտգործնախարարի այն հայտարարությանը, թե Թուրքիան մտադրություն չունի Սիրիայում հակամարտել Իսրայելի հետ։
«Քուրդիստանի բանվորական կուսակցության» հիմնադիր-առաջնորդի հետ շփումների մեջ գտնվող DEM կուսակցության անդամները հայտնել են, որ գործընթացը լինելու է շարունակական:
Հայաստան-Թուրքիա հարաբերությունների կարգավորման հարցերով Թուրքիայի հատուկ ներկայացուցիչն անդրադարձել է Ադրբեջանի կողմից Հայաստանի սահմանդրության փոփոխության վերաբերյալ հնչեցվող պահանջներին:
Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |