Կապիկների կոտորածը Օսմանյան կայսրությունում

Հասարակական13:28, 15 Օգոստոս 2017

Կապիկների կոտորածը Օսմանյան կայսրությունում

Օսմանյան կայսրության Մուրադ 3-րդ սուլթանի (1574-1895թթ.) օրոք երկրում կապիկների կոտորած է տեղի ունեցել: Պատմական այս իրադարձությանը անդրադարձել է թուրքական «haberler.com» լրատվակայքը:

Այդ տարիօրինակ սպանդի հեղինակն ու մեղավորը սուլթանի կողմից սիրված և բարձր պաշտոնի նշանակված մոլա Աբդուլ Քերիմն էր: Վերջինս տանել չէր կարողանում կապիկներին, իսկ կապիկներն այդ ժամանակաշրջանում Ստամբուլում լայն տարածում էին գտել: Դեպի Հյուսիսային Աֆրիկա կատարված արշավների ժամանակ մեծ թվով կապիկներ էին բերվել Ստամբուլ, քաղաքում կապիկների բազմաթիվ խանութներ էին բացվել ու հատկապես ունևորները տանը պահում էին այդ կենդանիներին:

Մի օր կրոնական քարոզի ժամանակ մոլան հայտարարում է, թե կանայք քաղաքում տարածված կապիկներին օգտագործում են «պիղծ գործերի համար»: Քարոզից հետո բարկությամբ լցված բազմությունը մոլայի հետ դուրս է գալիս փողոցներ ու սկսում ոչնչացնել հանդիպած կապիկներին:

Պատմաբանների վկայությամբ՝ Ստամբուլում չէր մնացել որևէ ծառի ճյուղ, որից կապիկ կախված չլիներ. մոլան անձամբ իր ձեռքերով էր այդ կենդանիներին կախաղան բարձրացնում:

Կապիկների այս կոտորածին ականատես ժողովուրդը մոլա Աբդուլ Քերիմին կնքում է մայմունքեշ անունով, իսկ նրա մահվան առթիվ մի շարք կենդանասերներ տոն են կազմակերպում:

Մոլա Աբդուլ Քերիմը հայտնի էր նաև ոչ մուսուլմանների (gayrimuslim) նկատմամբ թշնամական վերաբերմունքով: Նա պարտադրում էր ոչ մուսուլմաններին կրել կարմիր և սև հագուստ, ինչն այն ժամանակ ստորացուցիչ էր համարվում:

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։