Թուրքիայի դատախազությունը պատգամավորների նկատմամբ իրավական գործընթաց սկսելու 121 պահանջագիր է ուղարկել մեջլիս

Իրավական08:41, 30 Նոյեմբեր 2017

Թուրքիայի դատախազությունը պատգամավորների նկատմամբ իրավական գործընթաց սկսելու 121 պահանջագիր է ուղարկել մեջլիս

Թուրքիական դատախազության կողմից մի շարք պատգամավորների նկատմամբ իրավական գործընթաց սկսելու նպատակով նրանց անձեռնմխելիությունը դադարեցնելու պահանջագրեր է ներկայացվել մեջլիսի ղեկավարությանը:

Ըստ թուրքական «Demokrathaber.org» լրատվական կայքի՝ նոյեմբերի 15-ին և 16-ին տարբեր պատգամավորների վերաբերյալ ներկայացվել է ընդհանուր առմամբ 121 պահանջագիր: Ընդ որում կան պատգամավորներ, որոնց վերաբերյալ տարբեր գործեր հարուցելու նպատակով ներկայացվել են միանգամից մի քանի պահանջագրեր:

Ներկայացված պահանջագրերից 46-ը վերաբերվում է գլխավոր ընդդիմադիր «Ժողովրդահանրապետական կուսակցության» (CHP-ԺՀԿ), մնացած 75-ը՝ քրդամետ «Ժողովուրդների դեմոկրատական կուսակցության» (HDP-ԺԴԿ) պատգամավորներին: 2 պահանջագիր է ուղարկվել ԺՀԿ առաջնորդ Քեմալ Քըլըչդարօղլուի, ևս 3-ը՝ ԺԴԿ-ի համանախագահ Սելահաթթին Դեմիրթաշի վերաբերյալ, որն արդեն այլ քրեական գործերի շրջանակներում զրկված է անձեռնմխելիությունից ու կալանավորվորված: Նշվում է, որ պահանջագիր կա նաև ԺԴԿ-ի ազգությամբ հայ պատգամավոր Գարո Փայլանի վերաբերյալ:

Աղբյուր` Ermenihaber.am

Այս ենթաբաժնի վերջին նորությունները

15:00, 02 հուլ

Թուրքիան ՄԻԵԴ-ում կայացված իրավախախտումների վերաբերյալ որոշումների թվով երրորդն է

Ընդհանուր առմամբ, 2002-ից մինչև 2024-ը Թուրքիայի նկատմամբ կայացվել է 3.363 իրավախախտման որոշում։

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։