«Europoll» վիճակագրական ընկերությունը հետազոտություն է անցկացրել և պարզել, թե որոնք են Թուրքիայի բարեկամ և ամենաքիչ բարեկամ երկրները։ Նշվում է, որ Թուրքիայի բարեկամ և թշնամի երկրների ընկալումը կարող է ժամանակ առ ժամանակ փոխվել՝ կախված կառավարության քաղաքականությունից կամ ազգային շահերից։
Սոցհարցման մասնակիցներին հարցրել են. «Դուք այս երկիրը համարո՞ւմ եք Թուրքիայի բարեկամ» և թվել են 20 երկրի անուն։
Ըստ հետազոտության արդյունքների՝ Թուրքիայի համար բարեկամ համարվող հինգ երկրների ցանկը գլխավորում է Ադրբեջանը (94.2 %)։ Ադրբեջանին հաջորդում են Հարավային Կորեան (90 %), Ճապոնիան (89.4 %), Իտալիան (70.7 %) և Ռուսաստանը (62.1%):
Հարցվածների 3.3 %-ն է միայն Հայաստանին բարեկամ համարել։ 20 երկրների թվում Իսրայելը զբաղեցրել է 19-րդ (8.2 %), Ֆրանսիան՝ 18-րդ (9.6 5), Մեծ Բրիտանիան՝ 17-րդ (11.4 %) և ԱՄՆ-ն՝ 16-րդ (17.2 %) հորիզոնականը:
Աղբյուր՝ Yeniankara.com.tr
