Թուրքիայի Կարմիր մահիկի կողմից Իրան ուղարկվող մարդասիրական օգնությունը հասել է սահման։ Օգնություն տեղափոխող 4 բեռնատար անցել է Աղրը նահանգում գտնվող Գյուրբուլաք անցակետով և մուտք գործել Իրան։
Հումանիտար օգնությունը ներառում է վրաններ, վերմակներ, հիգիենայի պարագաներ։ Ընդհանուր առմամբ, օգնության ծավալը կազմում է շուրջ 40 տոննա։ Հումանիտար օգնությունը ուղարկվում է Թեհրան՝ Իրանի Կարմիր մահիկի կենտրոնական գրասենյակ։ Օգնությունն իրականացվել է Իրանի կողմից ներկայացված դիմումի հիման վրա՝ տարածաշրջանում ստեղծված իրավիճակի պատճառով։
Թուրքիայի Կարմիր մահիկի ներկայացուցիչները նշել են, որ անհրաժեշտության դեպքում նման աջակցությունը կարող է շարունակվել։
Աղբյուր՝ gazeteoksijen.com
