Թուրքիայի էներգետիկայի ու բնական պաշարների նախարար Ալփարսլան Բայրաքթարը Ստամբուլի բնական պաշարների երկրորդ գագաթնաժողովի շրջանակներում հանդիպել է Ադրբեջանի էներգետիկայի նախարար Փարվիզ Շահբազովի հետ։
Բայրաքթարը նշել է, որ քննարկել են նավթի, բնական գազի, էներգետիկայի, տարածաշրջանային էներգետիկ կապուղիների և վերականգնվող էներգիայի ոլորտներում իրականացվող քայլեը։
Ըստ նախարար Բայրաքթարի՝ երկկողմ գործընկերությունը, որը Կասպից ծովից մինչև Եվրոպա ձգվող էներգետիկ միջանցքի ողնաշարն է, «Մեկ ազգ, երկու պետություն» սկզբունքով, առաջիկա ժամանակահատվածում կշարունակի մեծ ներդրում ունենալ երկու երկրների զարգացման, տարածաշրջանի կայունության և էներգամատակարարման անվտանգության գործում։
