Գերմանիայում մեծ արձագանք է ստացել այն փաստը, որ կանցլեր Ֆրիդրիխ Մերցը հոկտեմբերի 30-ին Անկարա կատարելիք այցի ընթացքում չի նախատեսում հանդիպել Թուրքիայի ընդդիմության հետ:
Գերմանիայում իշխող կուսակցության հետ կոալիցիա կազմած «Սոցիալ-ժողովրդավարական» կուսակցության արտաքին քաղաքականության փորձագետ Ռալֆ Սթեգներն էլ պնդել է, որ Մերցն անպայման պետք է անդրադառնա Ստամբուլի նախկին քաղաքապետ, այժմ կալանավորված, ընդդիմադիր գործիչ Էքրմեմ Իմամօղլուի շուրջ տիրող իրավիճակին:
«Իմամօղլուի նկատմամբ նոր կալանքի մասին որոշումը ցույց է տալիս, որ Թուրքիայում ներքաղաքական լարվածությունը պահպանվում է: Որքան էլ Թուրքիայի և Գերմանիայի միջև առկա երկկողմ հարցերը չափազանց կարևոր են, նմանատիպ զգայուն խնդիրների մասին նախագահ Էրդողանի հետ հանդիպման ընթացքում անպայման պիտի խոսել»:
Հիշեցնենք, որ Թուրքիայում գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) անդամ Էքրեմ Իմամօղլուն կաշառակերությանը զուգահեռ այժմ մեղադրվում է նաև լրտեսության մեջ:
Աղբյուր՝ DW
