Թուրքիան առաջին անգամ ռազմանավեր է արտահանելու Եվրամիության (ԵՄ) և ՆԱՏՕ-ի երկրի: Ըստ թուրքական լրատվամիջոցների՝ այդ երկիրը Պորտուգալիան է: Թուրքական «STM Defense Technologies Engineering and Trade Inc » ընկերությունը երկու ռազմանավ է նախագծում Պորտուգալիայի ռազմածովային ուժերի համար:
Պորտուգալիան այդ նախագիծն իրականացնելու համար հայտարարել էր մրցույթ, որը հաղթել է թուրքական վերոհիշյալ ընկերությունը:
Կողմերի միջև պայմանավորվածությունը ձեռք է բերվել Լիսաբոնում: Ներկա են եղել մի շարք թուրք ու պորտուգալացի բարձրաստիճան պաշտոնյաներ, այդ թվում երկու երկրների դեսպանները և Թուրքիայի ռազմարդյունաբերության ղեկավար Հալուք Գյորգյունը, ինչպես նաև Պորտուգալիայի ռազմածովային ուժերի հրամանատար Էնրիկե Մելոն:
Ստորագրման արարողության ժամանակ ունեցած ելույթում Գյորգյունը նշել է, որ ՆԱՏՕ-ի դաշնակիցների հետ ռազմարդյունաբերական սերտ համագործակցության զարգացումը Թուրքիայի առաջնահերթություններից է։
Նաև նշել, որ Թուրքիան պատրաստ է աջակցել Պորտուգալիայի ռազմածովային նավատորմին՝ ծովուժի ընդհանուր մարտական պատրաստվածությունը բարելավելու համար:
