Թուրքիայի պաշտպանության նախարար Յաշար Գյուլերը հայտարարություն է տարածել նոյեմբերի 11-ին Ադրբեջան-Վրաստան սահմանին վթարի ենթարկված ռազմական բեռնատար ինքնաթիռի վերաբերյալ։ Գյուլերը նշել է, որ ավիավթարի հետևանքով զոհվել է 20 զինվոր։
Նշենք, որ թուրքական օդուժին պատկանող «C130» ռազմական բեռնատար ինքնաթիռն Ադրբեջանից՝ Գյանջայի (Գանձակ) օդանավակայանից ուղևորվում էր Թուրքիա։ Յաշար Գյուլերը դեպքի առնչությամբ հեռախոսազրույց է ունեցել Վրաստանի ու Ադրբեջանի պաշտպանության նախարարների հետ։
Նշենք, որ դեպքի առնչությամբ Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Վրաստանի վարչապետ Իրակլի Կոբախիձեի հետ, որի ընթացքում կողմերը քննարկվել են ռազմական բեռնատար ինքնաթիռի որոնողական աշխատանքների վերաբերյալ վերջին նորությունները։
