Թուրքիայում իշխող «Արդարություն և զարգացում կուսակցությունը» (ԱԶԿ- AKP) 2025 թվականը հռչակել էր «Ընտանիքի տարի», քանի որ վերջին տարիներին ծնելության մակարդակը զգալիորեն նվազել է ու ընտանիքի ինստիտուտի ու ժողովրդագրական կառուցվածքի ամրապնդումը դարձել է սոցիալական առաջնահերթություն։ Թուրքիայի նախագահ Ռեջեփ Թայիփ Էրդողանը բազմիցս հանդես է եկել բազմազավակության՝ «Ինչո՞ւ ոչ առնվազն չորս, կամ նույնիսկ հինգ երեխա» կոչերով։
Այդ կոչերի ֆոնին Թուրքիայում ավելի քան 600.000 երեխա նույնիսկ պարտադիր կրթություն չի ստանում։ Դպրոց չհաճախող երեխաների 74%-ը 14-ից 17 տարեկան են։ Տնտեսական ճգնաժամի պատճառով երեխաները աշխատում են վաղ տարիքից։ Մասնավորապես Թուրքիայում 3.5 մլն երեխա է աշխատում և 2024-2025 ընթացքում աշխատավայրերում տեղի ունեցած դեպքերի հետևանքով մահացել է 72 երեխա։
Կտրուկ աճել է նաև հացագործության մեջ ներքաշված երեխաների թիվը։ Ըստ Թուրքիայի վիճակագրական ինստիտուտի (TÜİK) տվյալների՝ բերման ենթարկված կամ արդեն ազատ արձակված երեխաների հետ կապված միջադեպերի թիվը 2024-ին 2023-ի համեմատ աճել է 9.8%-ով՝ հասնելով 612.651-ի:
Աղբյուր՝ Kronos
