Թուրքիայի նախագահ Ռեջեփ Թայիփ Էրդողանը հանդիպել է Հյուսիսային Կիպրոսի թուրքական ինքնահռչակ հանրապետության նորընտիր ղեկավար Թուֆան Էրհյուրմանի հետ: Հանդիպումից հետո կողմերը հանդես են եկել համատեղ մամուլի ասուլիսով:

Էրդողանը Էրհյուրմանին գոհունակություն է հայտնել առաջին պաշտոնական այցով վերջինիս Թուրքիայում ընդունելու համար, ապա, անդրադառնալով թուրքական ինքնառհչակ հանրապետությունում հոկտեմբերի 19-ին անցկացված նախագահական ընտրություններին, նշել, որ դրանք անցել են խաղաղ մթնոլորտում:

Բացի այդ, Էրդողանը խոսել է Կիպրոսի հարցում Թուրքիայի ունեցած հստակ դիրքորոշման մասին: «Պետք է արդար, տևական և կղզում առկա իրականությանը համապատասխան լուծում տրվի: Ես հավատում եմ, որ Կիպրոսի խնդրի համար ամենաիրական լուծումն անցնում է կղզում երկու պետության գոյությամբ»,-հավելել է Թուրքիայի նախագահը:

Աղբյուր՝ Trt Haber