Միավորված ազգերի կազմակերպության (ՄԱԿ) COP31 կլիմայական գագաթնաժողովը կանցկացվի 2026 թվականին։ Թուրքիան և Ավստրալիան թեկնածու երկրների թվում են, որտեղ կարող է անցկացվել գագաթնաժողովը։ Երկու երկրները բանակցություններ են վարում, որպեսզի այդ միջացառումն անցկացվի իրենց երկրում, բայց այդ բանակցությունները տևական ժամանակ է ինչ մտել են փակուղի։
Ավստալիայի վարչապետ Էնթոնի Ալբանեզն անդրադառնալով միջոցառման անցկացմանը՝ նշել է, որ այն համատեղ կազմակերպելը տարբերակ չէ։ Ըստ «Reuters» լրատվական գործակալության՝ համատեղ անցկացման առաջարկն արվել է Թուրքիայի կողմից։ Ալբանեզը մասնավորապես նշել է.
«Մենք համատեղ հյուրընկալություն չենք ունենա, քանի որ դա նախատեսված չէ ՄԱԿ-ի կլիմայի փոփոխությունների վերաբերյալ շրջանակային համաձայնագրի կանոններով։
Նշենք, որ COP31-ը մեկնարկել է Բրազիլիայի Բելեմ քաղաքում նոյեմբերի 10-ին և կավարտվի նոյեմբերի 21-ին: Թուրքիան և Ավստրալիան պետք է համաձայնության գան մինչև այդ ամսաթիվը: COP-ում հյուրընկալող երկրները որոշելու համար քվեարկության համակարգ չկա։ Ըստ այդմ՝ թեկնածու երկրները պետք է համաձայնության գան միմյանց միջև, հակառակ դեպքում գագաթնաժողովը տեղի կունենա Գերմանիայի Բոնն քաղաքում՝ ՄԱԿ-ի Կլիմայի փոփոխության մասին շրջանակային կոնվենցիայի կենտրոնակայանում։
Աղբյուր՝ Giynikgazetesi
