Arab Barometer-ի և RMTeam International-ը Սիրիայում Ահմեդ ալ-Շարայի նախագահության օրոք անցկացրել են առաջին սոցհարցումը։ Ընթացիկ տարվա հոկտեմբերի 29-ից նոյեմբերի 17-ն անցկացվել են սոցհարցումներ 1229 քաղաքացիների շրջանում։ Հարցումն իրականացվել է քրդերեն և արաբերեն։
Հարցման մասնակիցները պատասխանել են, թե որ երկրներին են ավելի շատ վստահում։ Սիրիացի ժողովրդի կողմից ամենաշատ վստահություն վայելող երկրների ցանկը գլխավորում է Սաուդյան Արաբիան (87%), 2-րդ տեղում Կատարն է (83%), իսկ 3-րդ տեղում՝ Թուրքիան (73%)։
Եվրամիությունը ստացել է վստահության 70%-ը, իսկ Միացյալ Նահանգները 66%-ով 5-րդ տեղում է։
Մասնակիցները նաև պատասխանել են այն հարցին, թե վստահում են արդյոք ալ-Շարային ու նրա կառավարությանը։ Հարցվածների 81%-ը վստահություն է հայտնել նախագահին, 71%-ը՝ կառավարությանը։ Այնուամենայնիվ, Լաթաքիայում, Տարտուսում և Սվեյդայում, որտեղ կենտրոնացված է ալավիական և դրուզական բնակչությունը, կառավարության նկատմամբ վստահությունը ցածր է եղել՝ 36 %։
Աղբյուր՝ Rudaw.net
