Թուրքիայի մշակույթի և զբոսաշրջության նախարար Նուրի Էրսոյը հայտնել է, որ Թուրքիան աշխարհում առաջին տեղում է հնագիտական պեղումների ոլորտում։ Ըստ նրա՝ տարեկան արվել է 800 նախագիծ ու ըստ այդ ցուցանիշի՝ Թուրքիան ոլորտում առաջինն է աշխարհում: Նա նաև հավելել է, որ Թուրքիան առաջատար է դարձել ստորջրյա հնագիտության ոլորտում:
Նախարարը նշել է, որ մշակույթի և զբոսաշրջության նախարարության կողմից իրականացվող հնագիտական պեղումներն ամրապնդում են Թուրքիայի մշակութային ինքնությունը, բացում նոր դռներ դեպի գիտական աշխարհ և զգալի ներդրում են ունենում երկրի զբոսաշրջային ներուժում։ 2024-ին 58 նահանգներում արվել են 224 պեղում, իսկ 2025-ին այդ թիվը աճել է՝ հասնելով 255-ի 65 նահանգում:
Աղբյուր՝ Ekonomigazetesi
