Թուրքիայի անվտանգության ուժերը վերջին օրերին իրականացված լայնածավալ գործողությունների արդյունքում ձերբակալել են «Իսլամական պետություն» (ԻՊ) ահաբեկչական խմբավորման հետ կապ ունենալու կասկածանքով 115 անձի։ Թուրքիայի իշխանությունների փոխանցմամբ՝ կասկածյալները ենթադրաբար ծրագրել էին հարձակումներ իրականացնել Ամանորի և Սուրբ Ծննդյան տոնակատարությունների ընթացքում։
Տեղեկությունների համաձայն՝ ձերբակալությունները իրականացվել են միաժամանակ մի քանի նահանգներում, այդ թվում՝ Ստամբուլում։ Թուրքիայի իրավապահ մարմինները նշում են, որ գործողությունների նպատակն է եղել կանխել հնարավոր ահաբեկչական սպառնալիքները և ապահովել հասարակական անվտանգության պահպանումը տոնական օրերին։
Թուրքական կողմը ընդգծում է, որ ահաբեկչության դեմ պայքարը շարունակվում է ինչպես երկրի ներսում, այնպես էլ միջազգային գործընկերների հետ համագործակցության շրջանակում։
Աղբյուր՝ www.dw.com
