Թուրքիայի վիճակագրական ինստիտուտը (TÜİK) հրապարակել է երկրի քաղաքների գնողունակության 2024-ի տվյալները։ Ըստ դրանց՝ Թուրքիայի ամենաթանկ շրջանը 112․6 ինդեքսով Ստամբուլն է (TR10), իսկ ամենաէժանը՝ Մարդին, Բաթման, Շըրնաք և Սիիրթ քաղաքները (TCR3)։
«TÜİK»-ը երկրի տարածաշրջանները բաժանել է որոշակի հատվածների՝ դրանց տալով կոդավորված անուններ, ինչպես օրինակ՝ «TCR3»-ը ենթադրում է վերևում նշվում 4 քաղաքը։
Տվյալները ցույց են տալիս նաև, որ Ստամբուլում գների մակարդակը երկրի միջինից բարձր է 12․6 տոկոսով, մինչդեռ մյուս վերոնշյալ քաղաքկներում՝ 8․5 տոկոսով ցածր։ Տարբեր ապրանքատեսակների գնման տեսանկյունից ևս եղել են մեծ տարբերություններ՝ ըստ շրջաններ։ Այսպես օրինակ՝ սննդամթերք և ոչ ալկոհոլային խմիչքներն ամենաթանկը եղել են Բալըքեսիր և Չանաքքալե քաղաքներում, ամենաէժանը՝ «TRC3»-ում։
Ըստ «TÜİK»-ի՝ գնային տարբերությունները զգալիորեն տարբերվում են ելնելով երկրի ներսում կենսամակարդակի անհավասար բաշխումից։
Աղբյուր՝ T24
