Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Սաուդյան Արաբիայի թագաժառանգ արքայազն Մուհամեդ բին Սալմանի հետ։
Թուրքիայի նախագահի աշխատակազմին առընթեր հաղորդակցության վարչության տարածած հաղորդագրության համաձայն՝ հեռախոսազրույցի ընթացքում քննարկվել են Թուրքիայի և Սաուդյան Արաբիայի միջև երկկողմ հարաբերությունները, ինչպես նաև տարածաշրջանային և գլոբալ հարցեր։
Էրդողանը նշել է, որ առաջիկա շրջանում նախատեսվող քայլերի միջոցով նպատակ ունեն էլ ավելի խորացնել Թուրքիայի և Սաուդյան Արաբիայի միջև համագործակցությունը։
Նա ընդգծել է, որ Թուրքիան ուշադիր հետևում է Սոմալիում և Եմենում տեղի ունեցող զարգացումներին՝ նշելով, որ երկու երկրների տարածքային ամբողջականության պահպանումը կարևոր նշանակություն ունի տարածաշրջանային կայունության համար։
Էրդողանի խոսքով՝ Թուրքիան պատրաստ է իր ներդրումն ունենալ Եմենում կողմերի մերձեցմանն ուղղված ջանքերում։
Նա նշել է, որ Գազայում մարդասիրական իրավիճակը ձմեռային շրջանի մեկնարկով ավելի է ծանրացել՝ պնդելով, որ Թուրքիան շարունակում է աշխատել մշտական հրադադարի հաստատման և Գազայի վերականգնման ուղղությամբ։
Աղբյուր՝ TRT Haber
