Իրանում սկսված զանգվածային հակակառավարական ցույցերի և ուժայիննների ճնշումների ֆոնին բազմաթիվ իրանցիներ ուղևորվում են Թուրքիա: Երկրի արևելքում գտնվող Վանի նահանգի Քափըքյոյ սահմանային անցակետը դարձել է Իրանից ժամանողների հիմնական մուտքի կետը։ Սահման անցնողները նշում են, որ իրենց առաջնային նպատակը ինտերնետ կապ հաստատելն է, քանի որ Իրանում կապը գրեթե ամբողջությամբ խափանված է, իսկ տեղեկատվությունը կոծկվում է պետական մակարդակով։
Թուրքիայում ինտերնետ հասանելիություն ստանալուց հետո նրանք փորձում են կապ հաստատել արտերկրում գտնվող հարազատների հետ և տեղեկանալ երկրում տեղի ունեցող իրադարձությունների իրական մասշտաբների մասին՝ այդ թվում՝ բռնաճնշումների ու զոհերի վերաբերյալ տեսանյութերի միջոցով։ «Մարդու իրավունքների կազմակերպությունների» (HRANA)-ի տվյալներով՝ զոհերի թիվը հասնում է շուրջ 4000-ի:
Թուրքիա հասնող իրանցիների շրջանում կան տարբեր սոցիալական խմբերի ներկայացուցիչներ՝ միջին և բարձր խավի ընտանիքներ, ՏՏ ոլորտի մասնագետներ, գործարարներ, ինչպես նաև հիմնականում քրդական ծագում ունեցող օրավարձով աշխատողներ ու երիտասարդներ, որոնք ստիպված են երկրից դուրս գալ՝ հանձնելու առցանց քննություններ։
Աղբյուր՝ Gebze Haber
