Օրերս Սիրիայում Թուրքիայի նորանշանակ դեսպան Նուհ Յըլմազը հայտնել էր, որ Դամասկոսի միջազգային օդանավակայանի թռիչքների անվտանգությունը կապահովվի «ASELSAN» ռազմարդյունաբերական ընկերության ռադարային համակարգը։
Նշենք, որ «HTRS 100» օդային երթևեկության կառավարման ռադարային համակարգը ապահովում է օդանավակայանների շրջակայքում գտնվող բոլոր օդային թիրախների ճշգրիտ հայտնաբերումն ու հետևումը նույնիսկ ոչ բարենպաստ եղանակային պայմաններում։
Արևմտյան հետախուզական աղբյուրները գրում են, որ այդ քայլը կարող է սահմանափակել Իսրայելի ազատ տեղաշարժը Սիրիայի տարածքում։ Վերոհիշյալ աղբյուրները դա դիտարկում են որպես զարգացում, որը կարող է լրջորեն նվազեցնել Իսրայելի կարողությունը Սիրիայի տարածքով օդային գործողություններ իրականացնելու համար։
Իսկ իսրայելի անվտանգության ոլորտի բարձրաստիճան պաշտոնյան էլ նշել է, որ Թուրքիայի կողմից Սիրիայում ռազմական բազա հիմնելու հնարավորությունը դիտարկում է որպես «պոտենցիալ սպառնալիք»։ Թուրքական աղբյուրը նշում է, որ Թուրքիայի այդ քայլը խուճապ է առաջացրել Իսրայելում։
Ըստ նրա՝ եթե ստեղծվի թուրքական ավիաբազա, ապա դա կխաթարի Իսրայելի ազատ տեղաշարժը Սիրիայում։ Դա սպառնալիք է, որին դեմ է Իսրայելը։
Սիրիայի քաղաքացիական ավիացիայի և օդային տրանսպորտի գլխավոր վարչությունն էլ իր հերթին հայտարարություն է տարածել՝ նշելով, որ, Դամասկոսի միջազգային օդանավակայանում նոր ռադարը նախատեսված է քաղաքացիական նպատակների համար, այլ ոչ թե ռազմական:
Աղբյուր՝ Haber Global
