Թուրքիան Սիրիայի Այն ալ-Արաբ տարածաշրջան 11 բեռնատար օգնություն է ուղարկել: Օգնությունն ուղարկվել է հունվարի 25-ին՝ երբ նախօրեի ուշ երեկոյան Թուրքիայի կողմից ահաբեկչական ճանաչված «Սիրիայի քրդական ինքնապաշտպանական ուժերի» (YPG) և Սիրիայի բանակի միջև հայտարարվել էր հրադադարի երկարաձգման մասին:
Բեռնատարներն ուղարկվել են Թուրքիայի «Աղետների և արտակարգ իրավիճակների վարչության» (AFAD) և Թուրքիայի «Կարմիր մահիկի» աջակցությամբ: Դրանցից 5-ը բեռնված են եղել 50 տոննա ալյուրով, 5-ը՝ երեխաների տակդիրով և սնունդով, իսկ 1-ը՝ վերմակով (ծածկոց): Նշվում է, որ օգնությունը Սիրիա կհասնի հունվարի 26-ին՝ Սիրիայի կառավարության և «Հալեպի օգնությունների կոորդինացման կենտրոնի» հետ համագործակցությամբ:
Աղբյուր՝ Trt Haber
