Հունվարի 27-ին Ֆրանսիայի արտգործնախարար Ժան-Նոել Բարոն կմեկնի Թուրքիա։ Այցի ընթացքում նա կհանդիպի Թուրքիայի արտգործնախարար Հաքան Ֆիդանի հետ։ Նախատեսվում է, որ կողմերը կքննարկեն երկկողմ հարաբերությունները և միջազգային զարգացումները։
Թուրքիայի և Ֆրանսիայի առևտրաշրջանառության ծավալը 2024-ին կազմել է 22.5 մլրդ դոլար, իսկ 2025-ին՝ 24 մլրդ դոլար։
Թուրքիայի պետական «Anadolu» լրատվական գործակալության տվյալներով՝ Ֆրանսիայում բնակվում է մոտ 800.000 թուրք և նրանք կարևոր կամուրջ են հանդիսանում երկու երկրների միջև ու զգալի ներդրում ունեն երկրի սոցիալ-տնտեսական կյանքում։
Նշենք, որ Ֆիդանը պաշտոնական այցով մեկնել էր Ֆրանսիա 2025-ի ապրիլի 2-ին։
Աղբյուր՝ Anadolu Ajansı
