Ստամբուլում Հնդկաստանի գլխավոր հյուպատոս Միխիտո Վինիտոն այցելել է Թուրքիայի Ֆեթհիե քաղաք, որը համարվում է ամենահայտնի զբոսաշրջային ուղղություններից մեկը։ Նա հանդիպել է Ֆեթհիեի քաղաքապետ Ալիմ Քարաջայի հետ, որը նախկինում հանդիպումներ էր ունեցել Հնդկաստանի զբոսաշրջային օպերատորների հետ։ Կողմերը քննարկել են առաջիկայում Հնդկաստանից Ֆեթհիե զբոսաշրջային ուղղության զարգացմանն առնչվող հարցեր, ինչպես նաև զբոսաշրջության ու մշակութային ոլորտում համատեղ ձեռնարկվելիք քայլերը։
Քարաջան նշել է, որ հնարավոր է նաև համագործակցել Հնդկաստանի հետ՝ հունիսի 21-ին՝ Յոգայի համաշխարհային օրը, Ֆեթհիեում յոգայի փառատոն կազմակերպելու հարցում։
Հյուպատոսն էլ իր հերթին նշել է, որ մինչ այդ այցելել է նաև Մուղլա և Բոդրում ու հանդիպել այնտեղի քաղաքապետերի հետ։ Նա նաև շեշտել է, որ Հնդկաստանում Թուրքիան դիտարկվում է որպես զբոսաշրջային շատ կարևոր ուղղություն։
Աղբյուր՝ Turizmnews
