Թուրքիայի ալյուրի արտադրողների և հացահատիկի ոլորտի ներկայացուցիչները հայտարարել են, որ 2025թ․-ին Սիրիա արտահանված ալյուրի ծավալը նախորդ տարվա համեմատ աճել է 110%-ով՝ հասնելով 650 հազար տոննայի։ Նշվում է, որ եթե նախկինում ամսական արտահանվում էր 20–30 հազար տոննա, ապա այժմ այդ ցուցանիշը բարձրացել է մինչև 60–70 հազար տոննա։ Այսպիսով Սիրիան դարձել է Թուրքիայի ալյուրի հիմնական արտահանման շուկան՝ փոխարինելով Իրաքին։
Ըստ ոլորտի տվյալների՝ Թուրքիան տարեկան ունի շուրջ 32 մլն տոննա արտադրական հզորություն, սակայն իրական արտադրությունը կազմում է մոտ 15 մլն տոննա։ Երկիրը համաշխարհային ալյուրի առևտրում զբաղեցնում է շուրջ 23% բաժին և վերջին տասնամյակում պահպանել է առաջատարի դիրքը։ Միաժամանակ նշվում է, որ 2025-ին ընդհանուր արտահանումը նվազել է՝ հասնելով 2.4 մլն տոննայի՝ կլիմայական խնդիրների և ցորենի ներմուծման սահմանափակումների հետևանքով։
Ոլորտի ներկայացուցիչները նաև ակնկալում են, որ 2026-ին Սիրիա արտահանումը կշարունակի աճել։ Վերջին ամիսների տեղումները դրական ազդեցություն են ունեցել ցորենի բերքատվության վրա, և սպասվում է, որ արտադրությունը կարող է աճել առնվազն 20%-ով՝ գերազանցելով 20 մլն տոննան։
Աղբյուր՝ ekoturk.com
