Թուրքիայի նախագահականի Հանրային կապերի վարչության ապատեղեկատվության դեմ պայքարի կենտրոնը հերքել է սոցցանցերում շրջանառվող այն պնդումները, թե Թուրքիայում գտնվող ամերիկյան ռազմաբազան ենթարկվել է հարձակման։ Նշվել է, որ նման լուրերը կեղծ են։
Հաղորդագրության մեջ նշվում է, որ Թուրքիայում ոչ մի երկրին պատկանող բազա չկա։ Թուրքիայի Հանրապետության օդային, ցամաքային և ծովային տարածքները, ինչպես նաև ռազմական օբյեկտները գտնվում են իր իքնիշխանության և վերահսկողության ներքո։
«Մեր երկրի դեմ որևէ հարձակում չի եղել, և Թուրքիային որպես տարածաշրջանային հակամարտությունների կողմ ներկայացնելուն միտված հրապարակումներն ապատեղեկատվական բացահայտ փորձ են»,- ընդգծվել է հերքման մեջ։
Հիշեցնենք, որ տեսանյութ և լուրեր էին տարածվել, որտեղ նշվում էր, որ Իրանը հարվածներ է հասցրել Ադանայում տեղակայված Ինջիրլիք ավիաբազային։ Նշենք, որ շրջանառվող այդ տեսանյութը նկարահանված է Սիրիայում և ունի մեկ ամսվա վաղեմություն։
Աղբյուր՝ NTV
